أحمد عزمي يحكي عن خلافه مع وحيد حامد … اكتئب لمدة عام بسبب شخص أوقع بينهما

نهال ناصر | فى سينما وتلفزيون

أحمد عزمي ووحيد حامد

الثلاثاء , 1 أكتوبر 2024 - 15:10 | اخر تحديث: الثلاثاء , 1 أكتوبر 2024 - 15:10

حكى الفنان أحمد عزمي كواليس خلاف حدث بينه وبين الكاتب الراحل وحيد حامد، بسبب أحد الأشخاص.

وقال أحمد عزمي خلال لقائه في برنامج "صاحبة السعادة" مع إسعاد يونس عبر قناة dmc: "في موقف كان حصل بس الحمد لله تم الصلح فيه وأستاذ وحيد حامد لسه عايش، حصل خلاف بيني وبينه في فيلم "دم الغزال" أنا كنت مضيت الفيلم بعد ما عملت معاه مسلسل "الدم والنار"، بعتلي وإداني السيناريو ومضيت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد عزمي يتحدث عن وحيد حامد

وتابع أحمد عزمي: "المنتج الفني للفيلم كان مش بيحبني وكان بيرزل عليا هو عمل معايا حركة عارف أنها بتستفزني، أولا هو ضغط عليا في التعاقد ومضيت وبعدها بـ5 أيام لقيته بيكلمني بيقولي انزلي فورا وقالي: "حد الظاهر قال لأستاذ وحيد حامد حاجة وإحنا قررنا إن الأجر هينزل للربع" فقلت له لأ من الأول تقولي لأني إني أمضي على رقم وأنزل الربع نفسيا هبقى تعبان وأنا بشتغل".

نرشح لك: 10 معلومات عن المذيعة السورية صفاء أحمد التي استشهدت في العـ.دوان الإسـ.رائـ.يلي على دمشق … هذا آخر ما كتبته قبل وفاتها بساعات

أحمد عزمي

وأكمل أحمد عزمي: "بعدها راح لأستاذ وحيد حامد وقاله كلام تاني خالص وقاله "الواد بيتنطط علينا وبيقول إنتوا مش عارفين أنا مين أنا أحمد زكي التاني"، أستاذ وحيد غضب وشالني من الفيلم، أنا فكرة أني معملش الفيلم كارثة لكن الكارثة الأكبر خسارتي لأستاذ وحيد".

أحمد عزمي

وأضاف: "قعدت مكتئب فترة طويلة قعدت سنة مش عارف أكلمه ولا أروح ليه، لحد ما في يوم لقيت التليفون بيرن الأستاذ وحيد حامد، قالي جملتين:" بص يا أحمد أنا عرفت اللي حصل بالظبط وعرفت الحقيقة وهننسى كل اللي حصل وأنا عايزك في فيلم اسمه الوعد تعلالي".

وتابع أحمد عزمي: "روحت له وأنا حاسس إني طاير وحضتنه وقلت له أن كل اللي حصل اتفهم غلط، وأن الشخص دا كان عايز يوقعني في ناس تانية وأستاذ محمد ياسين كان موجود وقاله دا اللي حصل، عملت فيلم "الوعد" وبعدها "الجماعة".

وكان أحمد عزمي وجه رسالة لزملائه وللمسئولين في الشركة المتحدة للإنتاج الفني، مطالبا فيها بإيجاد فرصة عمل له في مصر بعد سنوات من مشاركته في أعمال لدول عربية مختلفة.

وعقب تلك الرسالة، أعلن الفنان أحمد عزمي عن تعاقده مع الشركة المتحدة للخدمات الإعلامية، على عمل جديد يعرض في رمضان 2025.

ونشر أحمد عزمي صورة له مع عمرو الفقي المدير التنفيذي للشركة، أثناء التعاقد، وكتب: "شكرا لكل أساتذتي وزملائي وللجمهور العظيم على دعمكم ومساندتكم الرائعة وكلامكم اللي هيفضل وسام على صدري، كل الشكر والتقدير للشركة المتحدة هذا الصرح الإعلامي الكبير في الشرق الأوسط وللدور العظيم الذي تقوم به".