نشوى مصطفى تكشف كواليس "اللمبي": كنت مكسوفة أطلع ببدلة الرقص وغيرت في الدور

نهال ناصر | فى سينما وتلفزيون

نسوى مصطفى

السبت , 28 سبتمبر 2024 - 17:05 | اخر تحديث: السبت , 28 سبتمبر 2024 - 17:05

حكت الفنانة نشوى مصطفى كواليس دورها في فيلم "اللمبي" ورفضها له في البداية.

وقالت نشوى مصطفى خلال لقائها في برنامج "ضيفي مع" مع الإعلامي معتز الدمرداش: "لما جالي الدور كان صغير جدا، قالولي إحنا مرشحينك في دور راقصة، قلت لهم لا أجرؤ على عمل هذا الدور، ومش هيليق عليا الراقصة لازم تكون حلوة، قلت لهم مش هقدر أقدم الدور".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت نشوى مصطفى: "طلبوا مني اقرأ الدور، وقريت لقيتها كاركتر، قالولي هتلبسي بدلة رقص وتحتها بيجاما، وأنا حسيتها معالجة قديمة للكوميديا، وفكرة بدلة الرقص بشكلها هتكسف أعملها".

نرشح لك: روجينا تستعيد ذكريات سنة أولى معهد فنون مسرحية وتسأل الجمهور:عرفتوا مين النجوم في الصورة؟

نشوى مصطفى من فيلم اللمبي

وأكملت نشوى مصطفى حكايتها: "قلت لهم تعالوا نعملها بشكل تاني، زمان كانت البنت بتشتغل رقاصة وتقول عشان أجيب الدواء لأمي، دلوقتي ممكن الراقصة تشتغل عشان تجيب تليفون محمول أو تغير من كارت لخط، كان التليفون المحمول لسه مخترعينه جديد، واقترحت أنها تكون مثقفة مش لابسه بدلة رقص لابسه زي بوهيمي كده وأنا اللي فصلته، وقلت لهم بلاش ترقص شرقي مجتمع "اللمبي" شعبي جدا فهي ترقص تعبير حركي في الأوبرا، عدلنا في الشخصية بالاتفاق مع المؤلف والمخرج".

وفيلم "اللمبي" تم عرضه في السينما في عام 2002، وشارك في بطولته كل من محمد سعد وحسن حسني وحلا شيحة وعبلة كامل، ومن تأليف أحمد عبد الله وإخراج وائل إحسان.

نشوى مصطفى من فيلم اللمبي

يذكر أن نشوى مصطفى شاركت في رمضان 2024 بمسلسل "إمبراطورية ميم".

مسلسل "إمبراطورية ميم" من بطولة خالد النبوي، وحلا شيحة، ونشوى مصطفى، ومحمود حافظ، ونور النبوي، ومحمد محمود عبدالعزيز، وهاجر السراج، وسلاف فواخرجي، ونورهان منصور، وآدم وهدان، وإلهام صفي الدين، ومنى أحمد زاهر، ومن إخراج محمد سلامة وقصة إحسان عبد القدوس ومن تأليف محمد سليمان عبد المالك.

اقرأ أيضا:

تامر حسني يرد على أحمد العوضي: فنان كبير وكسرت الدنيا

5 ملاحظات على الجزء الثاني من "البحث عن علا" … تتر مختلف وأغاني تناسب الأحداث

نجاة الإعلامية لمياء فهمي عبد الحميد من حادث سير

كارمن بصيبص تعلن حملها: لصغيري الذي أحمله ... سأعلمك حب لبنان حتى في أصعب الظروف

لا يفوتك: محمد هشام عبية: مين قال إن "صلة رحم" كان فيه مشهد خارج! .. هل شوه "رسالة الإمام" تاريخ مصر؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5