أحمد سعد يكشف تفاصيل سرقته: ساعاتي كلها وألماظي راح

نهال ناصر | فى حياة المشاهير

أحمد سعد

الاثنين , 23 سبتمبر 2024 - 11:09 | اخر تحديث: الاثنين , 23 سبتمبر 2024 - 11:09

كشف الفنان أحمد سعد تفاصيل تعرضه للسرقة بعد حضوره حفل زفاف نجل الإعلامية بسمة وهبة في إيطاليا.

وحكى أحمد سعد خلال لقاء مع et بالعربي، أنه تعرض للسرقة مطار ميلانو قائلا: "أنا مبحبش اتكلم في خساير لأن المكاسب من عند الله كتثيرة، الخساير ولا حاجة من النعم اللي ربنا ادهالي بس هي حاجات ساعات بتزعل زي أول ساعة اشتريتها في حياتي، ساعاتي كلها وألماظي هو أنا مش علي بابا، لكن كل الحاجات اللي اشتريتها وكانت ذو قيمة مادية أو معنوية اتسرقت كلها الشنطة بتاعتي كلها اتسرقت مني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد سعد

وتابع أحمد سعد: "زعلت على قيمة الحاجات وعلى معناها بس مزعلتش لأن لسه قدامنا كتير، أوعى الناس متحبنيش تاني اللي فات ضاع فلوسي اللي فاتت راحت أنا لسه ببتدي صفحة جديدة".

نرشح لك: نرمين الفقي وبشرى وإيهاب توفيق وعلي الحجار من بينهم … النجوم يحتفلون بعيد ميلاد مصطفى قمر

أحمد سعد وزوجته علياء بسيوني مع بسمة وهبة وزوجها

وعن تعليقات الجمهور على ظهوره يرتدي عقد ثمين في حفل زفاف نجل بسمة وهبة: "الناس فضلت تقول أحمد لابس الشبكة أهي راحت الشبكة مش هنبص لبعضينا بنبص لبعضينا ليه ما إحنا شقيانين".

ومازح أحمد سعد الإعلامية بسمة وهبة وهي التي كشفت خبر تعرضه للسرقة قائلا: "أنا شاكك أن بسمة اتكلمت قبل محاولة السرقة لأن بسمة بتقو الأخبار قبل ما تحصل ما شاء الله عليها".

على جانب آخر، أعلن الفنان أحمد سعد عودته لطليقته علياء بسيوني خلال حفله في الساحل الشمالي ضمن احتفالات اليوم الوطني السعودي الـ94.

ونشر أحمد سعد عبر حسابه على Instagram فيديو من الحفل وهو يتحدث للجمهور وكتب تعليقا عليه: "باركولي أنا خطبت".

أحمد سعد

وقال أحمد سعد: "في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة".