أنوشكا: عادل إمام اختارني في "فرقة ناجي عطا الله" ووقعت قبل أن اقرأ الدور

أحمد حتحوت | فى حياة المشاهير

أنوشكا وعادل إمام

الاثنين , 9 سبتمبر 2024 - 02:09

تحدثت الفنانة أنوشكا، عن نجاح مسلسل "فرقة ناجي عطا الله"، الذي قدمته مع الزعيم عادل إمام، موضحة أنه هو الذي أختارها لكي تقدم دور حبيته في المسلسل.

وقالت أنوشكا، خلال مداخلة هاتفية في برنامج "تفاصيل"، مع الإعلامية نهال طايل، والذي يعرض عبر فضائية "صدى البلد 2"،: "بعتبر عادل إمام مبقاش كبير من فراغ.. هو اسم على مسمى وكل اللي أقدر أقوله على عادل إمام هو كمية كبيرة من البساطة ومن الأبوة مش بس ليا، لكن لفريق المسلسل كله وسافرنا مع بعض في أكتر من بلد وكان بيطمن علينا قبل ما نخش ننام أو يشوف حد فينا لو محتاج حاجه".

أنوشكا وعادل إمام

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأشارت أنوشكا، إلى أن النجاح الكبير الذي حققته في مسلسل "فرقة ناجي عطا الله"، ووقع الإختيار عليها من قبل الزعيم عادل إمام برفقة المخرج رامي إمام، بعد دورها في "قانون المراغي"، وهو تابع العمل ثم تحدث معها أحد صناع العمل واخبرها بأن هناك شخص ما سوف يتصل عليها.

وأستكملت أنوشكا، حديثها قائلة: "جالي تليفون بقول ألو.. قالي أنا عادل إمام عاوزك في المسلسل بتاعي، قولولتله مضيت يا أستاذ.. قالي هتمضي كده عمياني.. مشيت كده عمياني وراك من غير ما أقرى الدور".

وأختتمت أنوشكا، حديثها قائلة: "من أحلى الأوقات لما تقعدي مع عادل إمام وتتكلمي معاه وتاخدي رأيه في حاجه وخصوصا المشاكل الإنتاجية اللي بنمر بيها في الوقت الحالي وبعتبر بساطته سر قوته وتعلق الناس بيه وهو واحد مننا وكبيرنا ومهما أقول عنه مش هقدر أوفي حقه".

اقرأ أيضا:

مها أحمد : أنا هانم واللي بيشتغل مع شيوخ الخليج مش خدام

ليلى علوي تستأنف تصوير فيلم "المستريحة"

ديبيكا بادكون ورانفير سينج يرزقان بطفلتهما الأولى

تامر حسني يوجه رسالة لناكري الجميل في رده على محمد سامي

سمر طارق لـ(في الفن): الراب والمهرجانات ليهم وقتهم وبذاكر القديم وبحب أم كلثوم ومحمد منير ,فيروز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5