روجينا عن ابنتها مريم: شخصيتها قوية والانتقادات مأثرتش فيها

نهال ناصر | فى حياة المشاهير

روجينا ومريم أشرف زكي

الجمعة , 6 سبتمبر 2024 - 14:31 | اخر تحديث: الجمعة , 6 سبتمبر 2024 - 14:58

تحدثت الفنانة روجينا عن ابنتها الصغرى مريم ومشاركتها معها في مسلسل "سر إلهي" الذي عرض في رمضان 2024 وتعرضها للانتقادات من الجمهور.

وقالت روجينا خلال لقائها في برنامج "الراديو بيضحك" مع فاطمة مصطفى عبر إذاعة "الراديو 9090": "مريم مش أول سنة تشتغل معايا والسنة اللي فاتت في "ستهم" كانت عامله دور صعب والناس كتبت عنها كويس، السنة دي عملت دور بنت من بتوع السوشيال ميديا اللي بيطلعوا لايف، النقد مش بناء في ناس بتحبك وناس بتكرهك، اللي بيتفرج عليكي ممكن يبقى شايف إن دا كتير هو إنتي ليه عشان مامتك وعشان باباكي، اللي عجبني شخصيتها إن دا مأثرش فيها لو أنا كان زماني عيطت وموت نفسي واكتئبت، هي قالت هما شافوني اللي عاجبه أوك واللي مش عاجبة هو حر، أنا جالي ذهول من رد فعلها يمكن دا اتعلمته من دراستها".

روجينا وابنتها مريم

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت روجينا: "أنا وأشرف زكي كنا متعصبين عشانها لكن أنا شفتها شخصية قوية بهرتني برد فعلها أنها منكسرتش وأن مش كلمة تأثر فيها، هي دلوقتي ليها جمهور على تيك توك وبقت مؤثرة في الأول كانوا بيهاجموها، لما بمشي معاها دلوقتي هي عندها لازمة بتقول "جماعة" بلاقي الناس بينادوها ويقولوها".

نرشح لك: محمد حماقي ونجلاء بدر وناهد السباعي وعماد متعب والنجوم في حفل زفاف ابن شقيق إلهام شاهين

مريم أشرف زكي

وعن كواليس العمل معها في المسلسل قالت روجينا: "لما مريم مشهد مش ببقى مركزة في نفسي وأعمل ستوب وأفضل بصالها، هل قالت الجملة صح ببقى مشتتة وخايفة عليها وساعات أنصحها نصايح مش صح أديها أداء هو أدائي وشخصيتي غير شخصيتها ومدرسة مختلفة عنها، كان أستاذ رؤوف عبد العزيز المخرج يقولي أبعدي عنها ويقولها لو ماما قالت ليكي حاجة متسمعيش كلامها".

جلسة تصوير روجينا وأشرف زكي

واختتمت كلامها: "هي في سنة تالتة جامعة أمريكية قسم مسرح وهي بتحب التمثيل أنا كان نفسي بناتي الاتنين يكونوا ممثلات".

وشاركت روجينا في رمضان 2024 بمسلسل "سر إلهي".

مسلسل "سر إلهي"، بطولة روجينا، تأليف أمين جمال، وإخراج رؤوف عبد العزيز، وإنتاج كودكس، ويشارك ببطولة المسلسل الفنان محمد ثروت، الفنان أحمد مجدي، الفنانة مي سليم، الفنانة رنا رئيس، الفنانة نهى عابدين.