حسن الرداد وإيمي سمير غانم يجتمعان في فيلم كوميدي جديد يعرض في عيد الفطر

نهال ناصر | فى سينما وتلفزيون

حسن الرداد وإيمي سمير غانم

الاثنين , 19 أغسطس 2024 - 12:08 | اخر تحديث: الاثنين , 19 أغسطس 2024 - 12:08

كشف الفنان حسن الرداد عن تعاونه مع زوجته الفنانة إيمي سمير غانم في فيلم جديد يطرح في موسم عيد الفطر.

وقال حسن الرداد خلال لقائه في برنامج "حد النجوم" من تقديم ريهام السهلي عبر قناة dmc: "اللي بيسأل عن إذا كنت أنا وإيمي وبيحبوا التعاون بينا إن شاء الله في حاجة جديدة فيلم بيجمعنا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إيمي سمير غانم وحسن الرداد

وتابع حسن الرداد: "بدأنا التحضير، السيناريو خلص حاليا بيتم اختيار باقي فريق العمل وهو فيلم كوميدي وفكرة جديدة وهيتصور بين مصر وكذا بلد وإن شاء الله ينزل في العيد الصغير".

نرشح لك: شيرين عبد الوهاب ترد على هيفاء وهبي بعد دعمها لها: أثبتت أنها صديق وفي واشترتني طول عمري

وخلال اللقاء تحدث حسن الرداد عن علاقته بزوجته إيمي سمير غانم وكيف بدأت قصة حبهما.

إيمي سمير غانم وحسن الرداد

وقال حسن الرداد: "إيمي دمها خفيف جدا وهي مش بتكون قاصده أنها تهزر أنا بحس أنها سمير غانم الصغير، وأنا شخصيتي بحب الحركة والموسيقى تبقى بصوت عالي وأسوق العربية بسرعة وفي البيت أرقص وأهزر هي عكسي بتحب تمشي بالراحة وصمت في العربية ومن هنا بيبقى في مواقف كتيرة بينا".

وعن بداية تعارفه على إيمي سمير غانم وقصة حبهما قال حسن الرداد: "أنا في 2009 كنت بعمل مسلسل "ابن الأرندلي" وكانت أمي في المسلسل هي الفنانة دلال عبد العزيز، وقت تصوير المسلسل والدتها توفت ورحت أعزي وقابلت إيمي ودنيا وسلمت عليهم مكنتش أعرفهم قبلها، وبعد كده حصل 3 صدف قابلت إيمي مرة ماشي بالعربية في وسط البلد بالليل والدنيا فاضية ولمحتها، ومرة تانية داخل المسرح وهي خارجة منه، وتالت مرة أنا داخل المعهد عندي محاضرات وهي بتصور مسلسل، متكلمناش لكن الصدف دي حسيت أن هيكون في بينا حاجة مع أننا متكلمناش، لغاية لما رحت العزاء بدأنا نبقى أصحاب وشلة كبيرة وبدأنا نقرب من بعض وأنا بحب الضحك جدا وبحب الناس اللي تقعد وتضحك ولقيت دمها خفيف وروحها حلوة وبدأنا نقرب لبعض، مقدرش أقول في توقيت معين أن هو دا الحب، لكن في توقيت معين حسيت إننا منسجمين جدا وأن مينفعش نكون بعيد عن بعض".