محمد فؤاد: علموا ولادكم يسمعوا عمرو دياب وإيهاب توفيق ... ربنا هيحاسب كل مطرب على اللى بيغنيه

مي جودة | فى حياة المشاهير

محمد فؤاد

الجمعة , 2 أغسطس 2024 - 13:08 | اخر تحديث: الجمعة , 2 أغسطس 2024 - 14:08

وجه النجم محمد فؤاد كلمة لجماهيره من حضور حفل "كاسيت 90" التي أقيمت مساء الخميس الأول من أغسطس في مدينة العلمين الجديدة.

قال محمد فؤاد خلال الحفل موجها كلامه لطفلة حاضرة للحفل مع والديها: "أنا فرحان ببباكي ومامتك أنهم سمعوكي محمد فؤاد زي ما أهلي كانوا بيسمعوني عبدالحليم".

محمد فؤاد

ووجه محمد فؤاد حديثه للجمهور قائلا: "أنا بنصح أهالي الجيل ده يسمعوا ولادهم إيهاب توفيق وعجاج وعمرو دياب وكل النجوم دول، وبلاش نسمع ولادنا كلام كله غل وحقد وكلام وحش، وأنا حزين من اللي بسمعه، ويقولك أنا نمبر وان، نمبر وان هو ربنا بس.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف محمد فؤاد: علموا أولادكم يسمعوا الأغاني الحلوة عشان ربنا يحبنا، الكلام الوحش سهل يتعمل بس كنا بنخاف من ربنا، جيلنا كان بيخاف ربنا عشان منطلعش جيل وحش منحرف، الكل هيتحاسب على اللي بيقدمه".

محمد فؤاد

وتابع: جمهورنا طيب، أنا فاكر أول أغنية قدمتها مكنتش راضي عن نفسي فيها بس الجمهور دعمني جدا، لكن اللي شغالين دلوقتي بيقولوا كلام وحش أوي وفي ناس بيتضحك عليها ولو انتشر ده مش كويس وبشكر مساندتكم ليا طول عمري.

يذكر أن حفل "كاسيت 90" شارك به بجانب محمد فؤاد كل من وإيهاب توفيق، وهشام عباس، وحميد الشاعري، حيث يٌقدمون أعمال فنية، ضمن فعاليات النسخة الثانية، من مهرجان العلمين الجديدة.