هشام عاشور في أول تعليق بعد طلاقه من نيللي كريم: هتفضل حبيبتي طول عمرها

مي جودة | فى حياة المشاهير

هشام عاشور ونيللي كريم

الأربعاء , 12 يونيو 2024 - 23:17 | اخر تحديث: الأربعاء , 12 يونيو 2024 - 23:25

تحدث الفنان هشام عاشور عن أسباب طلاقه من النجمة نيللي كريم، مؤكدا على استمرار حبه لها.

قال هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة"، حسب تصريحاته لبرنامج "تفاصيل" الذي تقدمه نهال طايل عبر شاشة "صدى البلد 2".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

نيللي كريم وهشام عاشور

وتابع هشام عاشور: قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض".

نيللي كريم وهشام عاشور

وأضاف: كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام دا.

نيللي كريم وهشام عاشور

واستكمل هشام عاشور: لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل.

وانفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.

وهشام عاشور لاعب إسكواش سابق، اتجه إلى التمثيل مؤخرا وشارك في عدد من الأعمال مع زوجته نيللي كريم منها مسلسل "عملة نادرة" ومسلسل "روز وليلى".