شيماء سيف لياسمين عز: أنتِ بتخاطبي مين؟ الحاجات اللي بتقوليها دي ابعتيها فيديو لفرعونك

مي جودة | فى حياة المشاهير

شيماء سيف وياسمين عز

الجمعة , 24 مايو 2024 - 21:43

انتقدت الفنانة شيماء سيف تصريحات مقدمة البرامج ياسمين عز بسبب تصريحاته الداعمة للرجال على حساب السيدات، وذلك خلال حلولها ضيفة في برنامج "كلام الناس".

قالت شيماء سيف: "أنتِ بتخاطبي مين بكلامك دا يا ياسمين، أان جاية وعايزة اجيب من الآخر، أنتِ في حالة حب أنا مقدراها، وبتخاطبي حبيبك، معنديش مشكلة، نبعت له الكلام دا فيديوهات على الموبايل، احنا كستات شايفين كتير، انا كنت ناوية مجيش عند الحتة دي عشان الحلقة تعدي بسلام، أنا مكبوتة وستات مصر مكبوتين أكتر مني، ارجوكي مرارتنا المستشفيات مش هتكفي فقع المرارة".

شيماء سيف وياسمين عز

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت شيماء سيف: اللي بيطبقوا كلامك المجانين، الستات المجانين، اللي هي قاعدة اصلا في غيبوبة مابتشوفش جوزها وهو قاعد بدل ما يحط الكوباية على الترابيزة يدب دالقها، وبيعمل حاجة واحدة، وزعلان اوي وهو بياخد كيس الزبالة، ومين هياخد كيس الزبالة، أنا اخده؟

شيماء سيف

واستكملت شيماء سيف: أنتِ عارفة إيه أكتر حلقة لكِ استفزتني، حلقة الفالنتين، كنت هرمي التلفزيون، مش عايزاه يجيب هدية؟ إيه يا ياسمين أنتِ تعرفي ناس تانية؟ إغريقي؟ اشوفه هذا الفرعون اللي بيتقاله كدة.

يذكر أن شيماء سيف شاركت في رمضان 2024 بمسلسل "فراولة" تأليف محمد سليمان عبد المالك، وإخراج محمد على وإنتاج شركة "sky limit" للمنتج أحمد دسوقى وبطولة نيللى كريم، شيماء سيف، صدقى صخر، أحمد فهيم، علا رشدى، حجاج عبد العظيم، دنيا سامى، تونى ماهر وعدد كبير من ضيوف الشرف.

تدور أحداث العمل في إطار كوميدي، حول شخصية "فراولة"، التي يظهر برومو المسلسل ممارستها العلاج باستخدام البلورات والأحجار ذات القوة الخاصة، وأيضا أسلوب التنويم المغناطيسي، ويتعرض المسلسل لموضوع الدجل والشعوذىة والعلاج بالطاقة.