محمد محمود: مشهد ضربي لـ سلمى أبو ضيف في "أعلى نسبة مشاهدة" حقيقي ومن غير ما تعرف

نهال ناصر | فى سينما وتلفزيون

محمد محمود

الثلاثاء , 9 أبريل 2024 - 11:04 | اخر تحديث: الثلاثاء , 9 أبريل 2024 - 11:04

حكى الفنان محمد محمود كواليس مشهد ضربه للفنانة سلمى أبو ضيف في مسلسل "أعلى نسبة مشاهدة".

وقال محمد محمود خلال لقائه في برنامج "نجوم رمضان أقربلك" من تقديم الإعلامية إنجي علي عبر إذاعة وقناة "نجوم FM": "ضربت سلمى أبو ضيف بجد لأن دا طلب المخرجة، وسلمى مكنتش تعرف، المخرجة أخدتني على جنب وقالت لي عايزاك تضربها بجد وبمنتهى القوة، لدرجة لما عملنا بروفة خافت إني انفعل وأنسى وأبوظ المفاجأة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد محمود حكايته: "المشهد طلع طبيعي وأنا وقعتها على ترابيزة وأخدتها ونزلت على الأرض والترابيزة اتكسرت 100 حته لكن المخرجة أخدت المشهد من زاوية تانية، كنت بضرب فيها بجد وأشد شعرها".

نرشح لك: أحمد العوضي: تأثرت نفسيا بعد طلاقي من ياسمين عبد العزيز وهي في حياتي حاجة كبيرة جدا

مشهد ضرب محمد محمود لسلمى أبو ضيف من أعلى نسبة مشاهدة

وأضاف: "نفس الحكاية في ليلى أحمد زاهر أخدتني المخرجة على جنب قالت لي عايزاك تضربها قلم يطلع من نفوخها، قلت لها دي عصفورة مينفعش قالت لي لأ هعيده لو معجبنيش، جينا نعمل بروفة افتكرتني هضربها في اللحظة اللي منفعل فيها راحت شادة إيدي رحت أنا منفجر من الضحك وهما مش فاهمين أنا بضحك ليه".

محمد محمود وليلى أحمد زاهر

وأشاد محمد محمود بـ سلمى أبو ضيف وليلى أحمد زاهر وفرح يوسف قائلا: "التلاتة أول مرة اشتغل معاهم وبصراحة فاجئوني مكنتش متصور أن البنات دي يطلع منها دا وخصوصا ليلى زاهر بحس أنها بسكوتة ورقيقة متعملش الأدوار دي هما كلهم فاجئوني".

محمد محمود وسلمى أبو ضيف

واختتم محمد محمود كلامه: "سبب نجاح المسلسل دا أن كل حد متسكن في الدور صح عشان كده الناس صدقتنا وبفضل الله نجحنا".

مسلسل "أعلى نسبة مشاهدة" بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.

اقرأ أيضا:

محمد إمام في الإعلان الأول لفيلم "اللعب مع العيال" ... كوميديا مع باسم سمرة وأطفال في فصل مدرسي (فيديو)

أمير المصري لـ"في الفن": اعتذرت عن مسلسل أجنبي من أجل "مليحة" وخسرت دور بسبب دعمي لـ غزة

هل تتعاون مع أحمد فهمي في عمل مجددا؟ هنا الزاهد تجيب

محمد محمود: بدأنا التحضير للجزء الثاني من "أشغال شقة"

كريم محمود عبد العزيز يحكي كواليس "الناظر": شاركت فيه بدون علم والدي واتصدمت من حذف مشهدين ليا

لا يفوتك: صدقي صخر يتحدث لـ "في الفن" عن مسلسلاته في رمضان.. لماذا اتجه للكوميدية؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5