دنيا سمير غانم: صورة بابا وماما وهما تعبانين مش بتروح من بالي

نهال ناصر | فى سينما وتلفزيون

دنيا سمير غانم ودلال عبد العزيز وسمير غانم

السبت , 6 أبريل 2024 - 13:53 | اخر تحديث: السبت , 6 أبريل 2024 - 13:54

تحدثت الفنانة دنيا سمير غانم عن أصعب وقت مرت به بعد وفاة والديها الفنان سمير غانم والفنانة دلال عبد العزيز، موضحة أنها لا تستطيع نسيان صورتهما وهما على فراش المرض.

وقالت دنيا سمير غانم خلال لقائها مع الإعلامي عمرو أديب في برنامج "بيج تايم بودكاست" المذاع عبر قناة MBC: "كانت مرحلة صعبة أوي أوي، الوقت حتى قبل الوفاة كان صعب والاتنين مع بعض، اللي مش قادرة أتخلص منه وعشان كده بشغل نفسي في الشغل صورتهم وهما تعبانين على طول موجودة معايا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتحدثت دنيا سمير غانم عن الفرق بينها وبين شقيقتها إيمي في الحزن على والديهما وطريقة التعبير عنه وقالت: "شعور الفقدان مش بنقدر نتجاوزة الموضوع مش سهل، بعد التجربة دي اكتشفت أن الحزن مش زي ما بيظهر في الأفلام، كل إنسان بيحزن بطريقة، أنا مثلا من بعد أهلي كنت عايزة انزل اشتغل عشان أنا طول حياتي متبرمجة أن الفن يعني هما وأنا بشتغل بحس أن هما معايا طول الوقت، دا كان ستايل حزني أنا عايزة أغني وأمثل وأحس أنهم موجودين وأقف على المسرح وأحس أن الجمهور معايا".

نرشح لك: شريف رمزي لـ"في الفن": ممثلين وناس في الشارع سألوني عن نهاية "خالد نور وولده نور خالد" وتحليلات الجمهور مختلفة عن اللي هيحصل

وأكملت: "إيمي مثلا كانت العكس كان حزنها أنها تفضل مع نفسها مش عايزة حد ومش عايزة حاجة، أول عمل عملته كانت مسرحية في موسم الرياض مع حسن الرداد بعد زق مننا كلنا، إيمي حزنها غيري، أنا كنت بطلع الحزن في الأغاني زي الأغنية اللي عملتها لبابا، ومثلا بدمع كتير وببقى غصب عني عايزة أعيط كتير بس جوا الموقف بمسك نفسي وبغني وبمثل وأقابل الناس، لكن هما جوايا".

واختتم دنيا سمير غانم كلامها: "محدش يحكم على حد ممكن إنسان حصل له ظرف كبير وراح حضر حاجة تانية ممكن يكون راح المكان دا علاج أو شغل، وفي ناس تانية مش بتقدر وتقعد وتحزن مع نفسها".

يذكر أن دنيا سمير غانم غابت عن رمضان 2024، وكان آخر أعمالها مسلسل "جت سليمة" وعرض في رمضان 2023.

ودارت أحداث مسلسل "جت سليمة" في عالم خيالي فانتازي، وشاركها البطولة كل من محمد سلام وسامي مغاوري، هالة فاخر، خالد الصاوي، شيرين، محمد ثروت، غادة طلعت، مايان السيد وعدد آخر من ضيوف الشرف، تأليف كريم يوسف وسامح جمال، وإخراج إسلام خيرى وإنتاج أحمد السبكى.

اقرأ أيضا:

دنيا سمير غانم تكشف عن عمرها الحقيقي

خالد دياب ينفي اقتباس "أشغال شقة" من "صباح الخير يا زوجتي العزيزة": شفت الفيلم وأنا صغير

أحمد حلمي يرد على صلاح عبد الله: أكبر بيك

ميرهان حسين: صورتي في العمرة ليست لإرضاء الناس ... والفساتين المكشوفة غير ضرورية للفت الأنظار

لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5