حسن الرداد: "محارب" شخصية المواطن البسيط اللي عاوزين نرجع له مش كل الشخصيات هتبقى "شبحنة"

FilFan | فى سينما وتلفزيون

حسن الرداد في محارب

الأحد , 10 مارس 2024 - 01:28 | اخر تحديث: الأحد , 10 مارس 2024 - 01:59

تحدث الفنان حسن الرداد عن دوره في مسلسل "محارب" المقرر عرضه في السباق الرمضاني 2024.

قال الرداد: "لسه بنصور، وهنكمل تصوير في رمضان، خلصنا 90% من العمل وهناخد أسبوع من رمضان علشان نكمل الباقي"، وذلك في مداخلة عبر برنامج "كلمة أخيرة" الذي تقدمه الإعلامية لميس الحديدي على شاشة ON.

حسن الرداد وناهد السباعي في مسلسل "محارب"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: "عزيز محارب" هو شخصية المواطن البسيط، اللي عاوزين نرجعها، مش كل الشخصيات تبقى "شبحنة"، مش كله لازم يكسر ويضرب وبدراعه، أنا تربيت على مسلسلات من صغري تقدم المواطن البسيط، سواء مدرس أو دكتور أو أي حرفة أو عامل في مصنع ويكون شخص عادي، بنقابله في الشارع في القاهرة أو دمياط في بلدي، ودي النماذج الي بحب أتكلم عنها وأشوف رحلة كفاحها، وأتأثر بيها وأتكلم عنها.

مسلسل محارب

وأضاف: في الفترة الأخيرة بقيت بشوف فكرة تقديم المواطن البسيط وكأنه "عم الشبحنة في العالم"، وبقت الطبيعي والسائد أني أجيب فئة أو شخصيات من دماغ البني أدمين وأحطه مكان شريحة أخرى من المجتمع وهذا غير حقيقي.

لافتا إلى أن هذا أهم ماحمسه لشخصية "عزيز محارب"، لأنه شخص محترم وبسيط ونراه في الشارع قائلا : "شخص محترم متفوق في الثانوية العامة، ورغم أن مجموعه كان يلحقه بكلية طب لكن التزامه بالعمل من صغره كونه من منطقة شعبية"

مسلسل محارب

أكمل حسن الرداد: "الأعمال الجادة اللي عملتها أكتر من الكوميدي. ونجحت في الكوميدي والجاد. في كليهما وأنا الوحيد الي في السينما اللي غيرت المفهوم، لان العادي بقى الي بيعمل كوميدي يفضل يعمله والأكشن يفضل زي ماهو، لكن أنا نوعت، لأانهم بيخافوا من التغيير، لكن أنا عملت الكوميدي وعملت "توأم روحي"، رومانسي، والفيلم المصري الوحيد اللي جاب إيرادات كبيرة في الوطن العربي كان "تحت تهديد السلاح."

مسلسل محارب

واستطرد: بحب التنوع، وأعمل مخاطر، حتى لو قلقت من عدم النجاح لكن المهم أكون ممثل متنوع.

مسلسل "محارب" من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور، تأليف محمد سيد بشير وإخراج شيرين عادل وإنتاج أحمد السبكي.