هاني خليفة: الفنانين شاركوا في "رحلة 404" رغم صغر مساحة أدوارهم محبة في منى زكي

مي جودة | فى سينما وتلفزيون

هاني خليفة

الخميس , 25 يناير 2024 - 22:01 | اخر تحديث: السبت , 27 يناير 2024 - 10:01

أجرى المخرج هاني خليفة لقاء على هامش العرض الخاص لأحدث أفلامه "الرحلة 404" الذي تشارك في بطولته النجمة منى زكي.

وتحدث هاني خليفة عن كواليس الفيلم، قائلا: "ماشوفتش أو ماصدفنيش قصة فيلم زي (الرحلة 404) قبل كدة، وأنا حسيت أنها قصة مختلفة، عندما قرأت السيناريو لمحمد رجاء منذ سنوات، استغربت لأن القصة عجيبة جدا، مكنتش لسه عملت غير فيلم واحد، الفكرة أنه كنت بدور على شيء مختلف، وقصة مش شبه الأفلام لأني مابحبش الأفلام تبقى نوع معين شبه بعضه، وكان عندنا أفلام زمان في تاريخ السينما أفلام من النوع دا، أفلام مالهاش شبه، قصة مختلفة ودا حسيت فيه أنه مش قصة تقليدية مش مصنفة لنوع معين.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: أنا ومنى زكي كنا بنقعد نحضر ونذاكر ونقلق ونخاف، واشتغلنا لأن الشخصية بعيدة جدا عن منى زكي، ودا اللي كان بالنسبة لنا مغري، ونجرب شيء مختلف، ونجرب نشوف دا هيطلع ازاي منها، ونكتشف إيه اللي ممكن يتعمل، الفيلم مر بالعديد من المراحل، واستغرقت فترات طويلة، منها مرحلة كتابة مع محمد رجاء، والفيلم بيكبر واحنا بنكبر معه، وغيرنا فيه حاجات لغاية من شهرين مثلا، وقت التحضير كان طويل وأصبح جزء من حياتنا.

وكشف عن سبب عدم لجوء الفيلم لـ Flash Back، قائلا: "اختيار السرد عن العودة للأحداث بطريقة فلاش باك كان اختيار المؤلف، وهو أذكى حاجة، لأنه الفلاش باك مش أفضل تيكنيك، لأنك مش قادر تحكي فبتقتطع زمن من الماضي، والشطارة أكتر أنك تحكي في الزمن دلوقتي اللي حصل في الماضي".

فيلم رحلة 404

وتابع: أشكر كل الفنانين المشاركين في العمل، لأن مساحة أدوارهم مكنتش كبيرة، وقدموا دورهم بمحبة بالغة لمنى زكي وهاني خليفة ومخدناش صعوبة في إننا نقنع حد، وأحب دوما تقديم أعمال فيها بعد إنساني، أنا بتصور أنه احنا بنقدم فن عشان نسمو ونتسامح، ونقدر عيوبنا، بس الفيلم دا كان له علاقة بصعوبة الدنيا والظروف اللي ربنا هيحطك فيها وإن دا جزء من امتحان الدنيا، وعشان كدة بقول عمري ما قدمت حاجة زي كدة.

اقرأ أيضا:

إسلام إبراهيم يكشف سبب امتناعه عن الزواج: أنا ساعات ببقى عايز أشد الفيشة وأهرب

باسم يوسف يكشف تفاصيل مكالمة لا ينساها مع عادل إمام: هزقني في التلفون (فيديو)

والد حنين الشاطر الفائزة بلقب "إكس فاكتور": رفضت مشاركتها الغناء لهذا السبب

أحمد العوضي: خرجت من المستشفى وهستأنف تصوير "حق عرب" السبت القادم

#شرطة_الموضة: أجمل إطلالات النجمات في Joy Awards ... وأسوأ الإطلالات

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5