منى الشاذلي: كان نفسي أكون دكتورة عشان أخدم الناس

مروة لبيب | فى حياة المشاهير

منى الشاذلي

الأربعاء , 3 يناير 2024 - 00:25 | اخر تحديث: الأربعاء , 3 يناير 2024 - 00:26

تحدثت الإعلامية منى الشاذلي عن عملها بالإعلام مشيرة إلى أنها كانت ترغب في أن تصبح طبيبة أو معلمة.

وخلال لقائها مع الإعلام أنس بوخش في برنامج ABtalks، قالت منى الشاذلي "كان نفسي أكون دكتورة أو مدرسة وأخدم الناس، لكن من وأنا صغيرة بمارس دور المذيعة في المدرسة والجامعة، ولما دخلت الجامعة الأمريكية لقيت الإعلام هو الأقرب ليا".

وأضافت منى الشاذلي "قررت أدخل إعلام علشان أشتغل في شركة مالتي ناشيونال، لكن صاحبتي شجعتني أتدرب وقالت لي أنتي مذيعة، ومقتنعتش وقتها بالفكرة، لكن روحت للتدريب ومن أول مرة جاوبت على كل أسئلة المدرب وقال لي أنتي هتكوني معانا مذيعة، ورفضت وقتها لكنه أصر على رأيه".

منى الشاذلي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وخلال اللقاء، كشفت منى الشاذلي قصة تعارفها بزوجها الذي استمرت معه طوال 25 عاما.

وروت منى الشاذلي قصة تعارفهما وقالت " لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة".

وتابعت منى الشاذلي " أنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مش رومانسي.. هو حنون ورجل عائلة عظيم، لكنه راجل عملي، ومش بنزعل من الاختلاف بينا".

وأضافت منى الشاذلي " الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير".