إلهام شاهين: الرقابة توافق على أعمال تافهة ورفضت لي مواضيع مهمة بدون أسباب

نادين يوسف | فى حياة المشاهير

إلهام شاهين

السبت , 30 ديسمبر 2023 - 00:12 | اخر تحديث: الأحد , 31 ديسمبر 2023 - 16:12

حلت الفنانة إلهام شاهين ضيفة على الإعلامي خالد أبو بكر في برنامج "كل يوم" المذاع على قناة ON TV وتحدثت عن الرقابة ورفض الرقابة لعدد من السيناريوهات التي أرادت إنتاجها.

إلهام شاهين

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

قالت إلهام شاهين "المفروض احنا يكون عندنا رقابة على نفسنا واحنا مش هنعمل حاجة لا ضد الفن ولا ضد بلدنا وانا معترضة على الرقابة أنها بتدي موافقة لافلام تافهة جدا المفروض يرفض ويقول دون المستوى لأن المفروض أنك بترتقي بذوق الناس والأعمال الفنية المفروض يبقى لها قيمة وممتعة"

وأضافت "الفن لازم يؤثر في مشاعر وأفكار الناس ومينفعش يكون في محرمات ولازم يكون في ثقة وانا عندي خبره وعندي رقابة داخلية ومينفعش يكون في أوصياء على المجتمع يقولوا يشوفوا ايه و ميشوفوش ايه لانهم لو مشافهوش عندك هيشوفوه على المنصات وفي شباب صغير قالولي احنا بناقش على السوشيال ميديا المواضيع اللي انتم مش قادرين تناقشوها في السينما"

نرشح لك: #حصاد_2023: من بينهم "أزمة منتصف العمر" و"تحت الحزام" … أبرز المسلسلات التي أثارت الجدل هذا العام

إلهام شاهين

وعن رفض أعمالها قالت "مشكلة الرقابة في الناس اللي بتقرا وبتقرر مصيرنا وطبعا في بعض المواضيع الهامة بتتعرض على جهات اخرى، أنا لما فتحت شركة إنتاج اشتريت موضوعات هامة جدا لأن أنا عايزة لما انتج اعمل حاجة كبيرة ومهمة ومش مهم الإيرادات وفي مواضيع كنت اشتريتها كانت محتاجة تجديد تصريح الرقابة ودة كان بيحصل بشكل تلقائي لكن تفاجأت أن في موضوع اترفض ومن غير أسباب وانا كنت اشتريته ودفعت فلوس الاخراج والانتاج وشراء السيناريو ونفس الكلام حصل مع موضوع كانت هالة خليل كاتباه والرفض بيكون بدون أسباب"

يذكر أن إلهام شاهين قدمت بطولة حكاية "الفريدو" وهي إحدى حكايات مسلسل "55 مشكلة حب"، شاركها البطولة أحمد فهمي، ندى موسى، إيمان السيد وغيرهم نخبة من النجوم. المسلسل من تأليف عمرو محمود ياسين ومن إخراج عصام نصار.