أمير عيد: هوية كايروكي سمك لبن تمر هندي زي جيلنا..واكتب قصص وبعدها اكتب عليها أغنية

مي جودة | فى موسيقى وحفلات

فريق كايروكي

الجمعة , 29 ديسمبر 2023 - 01:30

كشف النجم أمير عيد عن روتين عمله اليومي، وعن تأثره في طفولته بفرق موسيقية يتطلع ليصبح فريقه "كايروكي" مثلهم يوما ما، وذلك خلال حواره المصور لمجلة "بيلبورد العربية".

قال أمير عيد: "هوية كايروكي سمك لبن تمر هندي، بسبب انفتاحنا على العالم كباقي جيلنا مبكرا، وهويتنا أصبحت متنوعة، نصنع موسيقى راقية وشعبي وبوب، ليس لدينا ذوق متحفزين له، وهذا أكرهه، معندناش ذوق واحد وبحاول اعمل كدة، مفكرناش احنا الخمسة، احنا متربيين مع بعض كل واحد فينا بيحب نوع مزيكا، شبه بعض لكن كل واحد مائل لنوع معين، لكن كل واحد بيخط مساهمته".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

undefined

وتابع: هواري الجيتار بتاعه بيبقى فيه سحر معين كدة وبيعيش فيه، شريف في الإنتاج الموسيقي وآدم وتامر في الجروف، وأنا الكلمات ونتقابل ونلعب، كأننا رايجين نلعب بلاي ستيشن، واحنا صغيرين كانوا بيروحوا يلعبوا بلاي ستيشن واحنا بنلعب مزيكا، وبالإضافة للحظ والتوفيق والتوقيت، وأعتقد التوقيت لعب دور كبير في نجاحنا وكان يسمح أن نظهر، وفي جزء كبير من الحظ، في حاجات كتير خصلت لنا بالحظ، وناس تانيين أحسن مننا بس محصلهاش كدة.

وكشف أمير عيد عن تأثره بفريق Rolling Stones منذ صغره، قال: "كان عندي اخ اكبر مني بخمس سنين وسابقني في المزيكا وبيلعب جيتار، بيسمع بقى Pink floyd، ويشرح لي الأغنية دي بتتكلم عن ايه والألبوم دا فكرته ايه وندخل في نقاشات، ويسمعني Rolling Stones وThe Beatles، هو كان بيحب بيتلز وأنا رولينج ستونز، بشكل أكبر، لأنهم ظهروا في الستينيات وكان انجلترا وقتها الابن بيطلع زي باباه وبيشتغل زيه، لكن هم جم وتمردوا، وأنا نفسي اوي إن كايروكي، يبقى عندك ستين سنة أو سبعين سنة وبتلعب عادي زي ما إنت وشكلك صايع وبتعمل تورز وبتكتب أغاني وعايش الحياة دي، فمش مرتبطة باللوك واللبس أو الشكل قد ما مرتبطة بإن هم الأتيتيود بتاعهم forever young".

undefined

أما عن روتين تأليفه على أغانيه، قال أمير عيد: "أكتب يوميا، وأخذ أجازة مثلا 3 شهور مكتبش حاجة خالص، أسجل فيهم أو أعمل على مزيكا الكلمات التي كتبتها، وبعدها أخذ راحة لمدة شهرين او شهر عادة، وأعود للروتين من جديد، كل يوم 6 ساعات كتابة، ومن الممكن عشان أكتب اغنية اكتب قصة الأول وبعدين اكتب عليها اغنية، أحب اعيش الموضوع اوي، وعندي كتابات تكفي 20 ألبوم".

يذكر أن آخر أعمال "كايروكي" كان أغنية "تلك قضية" التي أصدروها في 30 نوفمبر يوم التضامن العالمي مع الشعب الفلسطيني من كلمات مصطفى ابراهيم.