أمير عيد: مابعملش المزيكا اللي بتعجب الناس إلا لو بنحت .. ومش محتاج أشوف نفسي بعيون الناس

مي جودة | فى حياة المشاهير

أمير عيد

الجمعة , 29 ديسمبر 2023 - 01:11 | اخر تحديث: الجمعة , 29 ديسمبر 2023 - 01:26

كشف النجم أمير عيد عن رأيه في مواقع التواصل الاجتماعي، وقياس نجاح الأعمال الفنية بتصدرها التريند أو تحقيق مشاهدات عالية، مؤكدا أنه لا يهتم بكل هذا إطلاقا.

قال أمير عيد: "أنا مابعرفش ايه اللي بيتقال عني، ماعنديش إني اقعد على السوشيال ميديا والموبايل أو كدة، أو أشوف رأي الناس إيه في أي حاجة بعملها ومش تكبر خالص، ولكن دي الطريقة اللي اخترت اعيش بها، مش مهتم بالإيجابي او السلبي لأن في الزمن اللي احنا فيه دلوقتي صعب جدا تبقى متوازن، ممكن تسمع كلام ايجابي اوي والناس بتحبك أوي، ودا يغير لك حاجة في مخك ويبوظ لك حاجة، ويبقى عندك تكبر، أو تحب هذا الشعور فتدمنه بشكل ما"، حسب تصريحاته في لقائه مع مجلة "بيلبورد العربية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أمير عيد

وأضاف: ومن الناحية التانية لو حد بيقول حاجة سلبية مش مهتم أيضا، اللي بهتم بيه أكتر انهاردة إن أنا عارف كويس أوي إن أوحش ناقد لنفسه في العالم هو أنا وفي نفس الوقت مش محتاج اسمع الكلام دا، ومش محتاج إني أشوف نفسي بعيون الناس، ودي مشكلة او مرض عند ناس كتير أوي دلوقتي.

أمير عيد

وتابع: بقى في محاكمات على السوشيال ميديا، بيحاكموا الشخص ويغتالوه معنويا ونفسيا، عمري ما عرفت الأغنية بتاعتي حققت كم مشاهدة، كنت زمان أركز في الموضوع، لغاية 2016، وبعدين بقيت معرفش الاغنية دي بتعمل مشاهدات اد ايه ومابعرفش الناس بتقول ايه انا بلاحظ ان الناس بتحبني وبتفاجيء إنهم بيحبوني بالشكل دا لما بكون في الشارع أو في مكان، بستغرب وبعدين بتبسط وفي نفس الوقت بحب اتكلم معهم في حاجة مهمة محبش اتكلم معهم الكلام في الحاجات التقليدية.

أمير عيد

واستكمل: أحب أعيش حياتي عادي بسيطة، أنزل أتمشى أروح الاستدويو، بعيش حياة عادية جدا كإني في زمان، معرفش الناس بتقول ايه نهائي ومش بسمح لحد يغير لي كيميا مخي بأنهم بيقولوا علي إيه.

أمير عيد

أما عن موسيقاه، فقال: "مابعملش المزيكا اللي تعجب الناس دي مش طريقتي في الحياة، لإني لو بعمل المزيكا اللي تعجبهم يبقى كدة انا ببص عليهم إنهم مُنتَج بعمل لهم البضاعة اللي بيحبوها فيشتروها، وأنا مابشتغلش كدة، أنا مابعملش المزيكا اللي بتعجب الناس، إلا لو أنا بكسب، بنحت الحاجات اللي هي على جنب، بس في المجمل أنا مش بشوف الناس بتحب إيه وبعمله.

أمير عيد

واستدل على ذلك، قائلا: يعني أكتر أغنية نجحت عندي السنة دي كانت "بسرح واتوه" لكايروكي، ومعتقدش إنها معمولة عشان تبقى تجارية، وبلاحظ ان الناس بتقول الأغنية دي شيوعية أو مظلمة ومش تجارية، واتفاجأ أنها اكتر أغنية بتنجح، زي "نقطة بيضا" و"بسرح واتوه".

يذكر أن أغنية" بسرح وأتوه" من كلمات محمد شافعي، وهي واحدة من أغاني ألبوم "روما".