أحمد حلمي يستعد لتقديم فيلم دراما نفسية عن عقد الطفولة

نادين يوسف | فى سينما وتلفزيون

أحمد حلمي

السبت , 18 نوفمبر 2023 - 02:11

كشف الفنان أحمد حلمي عن تحضيره لفيلم سينمائي جديد، وذلك خلال لقائه مع الإعلامي محمود سعد في برنامج "سولد اوت".

قال أحمد حلمي "بقالي فترة شغال على فيلم هبدأ تصويره في يناير وهو سيكولوجي عن عقد الطفولة ومشاكلها وباختصار بيتكلم عن اننا بنفتكر أننا اسوياء لكن عندنا مشاكل داخلية مش بنعرف نسلط الضوء عليها فمحتاجين نستعين بحد ومش معنى أنك مش سوي أنك شرير"

أحمد حلمي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن الحلم الذي تمنى تحقيقه قبل الزواج قال "كان نفسي ألف العالم قبل ما اتجوز وبعد ما اتجوزت حسيت اني عايز اعمل كدة مع مني"

كما روى أحمد حلمي ذكريات أول لقاء جمعه مع النجم الراحل أحمد زكي، وقال "أول مرة شوف أحمد زكي كنت مساعد مخرج في برنامج وكنا رايحين نغطي مهرجان الإسكندرية ونزلت اشوف أحمد زكي علشان نصور معاه وسألته عن مشهد ليه في فيلم زوجة رجل مهم وتفاصيل مشاهد ليه في عدد من افلامه"

نرشح لك: الصور الأولى من حفل زفاف نجل عمرو أديب

كما حكى أحمد حلمي عن موقف جمعه مع عادل إمام في أول لقاء حيث قال "أول مرة شوفت عادل إمام كان في العرض الخاص لفيلم "لية خلتني احبك" وانا كنت مشارك بدور في الفيلم وأحمد عبد العزيز مدير التصوير بالفيلم هو ابن أخت عادل إمام وانا مكنتش اعرف أن عادل إمام حاضر ولما العرض خلص اتفاجأت بيه وطبطب على وشي وقالي أنت شاطر اوي"

أحمد حلمي

كان أحمد حلمي قد حل ضيفا على الإعلامي محمود سعد في حلقة مقسمة على جزئين وتحدث في حلقة أمس عن بداياته وقال "الأستاذة سناء منصور لها فضل كبير بعد ربنا فى مشواري، ودخلته بالصدفة قابلت واحد صحبى شغال هناك كان بيشتغل في الإخراج، وقالى ما تيجى تشتغل في التليفزيون، فروحت واخدلى ميعاد عشان أقابل سناء منصور رئيس القطاع الفضائي".

وتابع ""قعدت ساعتين تلاتة ومعرفتش أقابلها عشان كان عندها شغل واجتماعات كتيرة واخدت ميعاد تانى، وعرفتها إنى خريج ديكور وقالتلى طيب اشتغل يلا فعرفتها إنى عاوز اشتغل في الإخراج، وقالت لمحمد خلف صديقى، انزل معاه مساعد وهو كان بيخرج برنامج أطفال اسمه أحلام العصافير، فقالتله خده معاك يساعدك، وبدات أنزل معاه مساعد".