أيتن عامر عن بيومي فؤاد: رجل جميل ويساعد الكل

مي جودة | فى حياة المشاهير

صورة من فيلم مندوب مبيعات

الجمعة , 17 نوفمبر 2023 - 22:01 | اخر تحديث: الجمعة , 17 نوفمبر 2023 - 22:01

ساندت النجمة أيتن عامر صديقها الفنان بيومي فؤاد بعدما تعرض لحملة انتقادات واسعة بعد مشاركته في مسرحية "زواج اصطناعي" وانتقاده لاعتذار محمد سلام عن عدم المشاركة في المسرحية بسبب الحرب في غزة.

قالت أيتن عامر: "رجل جميل وبساعد كل اللي حواليه و مش أناني، لو فيه ايفيه مش ينفع يقولو حيقول لحد تاني يقولو، وأحب العمل معه جدا، أناديه بـ(بيمبو)"، حسب تصريحاتها في برنامج سينماتك على قناة sbc السعودية.

يذكر أن أيتن شاركت من قبل مع بيومي فؤاد في فيلم "مندوب مبيعات"، وتشارك حاليا معه في تصوير فيلم "عنب".

و حول فكرة فيلم "عنب"، قالت ايتن: "بيناموا وبيصحوا بيحصلهم مشكلة كبيرة جدا، وفجأة يلاقوا ناس داخلين بالمشكلة دي، الناس بتجري وراهم وناس بتطاردهم، وناس عاوزين يموتوهم ومش فاهمين دا ليه، والليلة اللي فاتت هما مش فاكرين اي حاجة عنها، فبيمشوا خطوة خطوة لحد ما يلاقو حل للمشكلة".

قبل مسرحيتها في #موسم_الرياض "شحاتين أكاديمي"، #آيتن_عامر تتحدث لـ #سينماتك عن عودتها للسينما بفيلم "عنب" الذي يشاركها فيه #بيومي_فؤاد كضيف شرف.. فماذا كشفت لنا؟ #قناة_SBC @SBC_Channel @AYTENAMER @BayoumiFouad1 pic.twitter.com/iT88mx8XqW

— سينماتك (@stvcinematk) November 15, 2023

ايتن كشفت خلال اللقاء ايضاً ان تركيزها هذه الفترة سيكون على الافلام مشيرة أنه ليس لديها اي عمل درامي تلفزيوني حاليا، وأضافت: "الناس دلوقتي بتدور على أي حاجة تبسطها، وأي حاجة تضحكها عشان كدا معظم الاعمال لي بتنتج معظمها كوميدي، هو دا دلوقتي اللي السوق محتاجه، احنا عايشين في ضغط وكوارث طبيعية، الفن إلى حد ما ممكن بيبقى بشارك ولو بجزء بسيط انه يغير موود الناس".