مها أحمد تكشف سبب ظهورها على تيك توك: مش لاقية شغل وأنا حرة محدش له حاجة عندي

محمد أحمد | فى حياة المشاهير

مها أحمد

الجمعة , 17 نوفمبر 2023 - 15:27

أحدثت الفنانة مها أحمد ضجة كبيرة بعد ظهورها في فيديو بث مباشر على تيك توك وهى توصف منتقديها بالخدامات.

وخرجت مها أحمد في بث مباشر جديد عبر حسابها على تيك توك لتعلق على هذا الأمر قائلة: "إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي".

مها أحمد

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت: "خلاصة الموضوع، إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي".

مها أحمد

ووجهت مها أحمد رسالة لشخص مجهول دون ذكر اسمه قالت فيها: "الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي".

مها أحمد

نرشح لك: اعتبر "فتافيت السكر" فال شؤم وتزوج هذه الفنانة 20 عاما وأوصى بخروج جثمانه من المسرح القومي … محطات من حياة "الكوميديان الحزين" عبد المنعم إبراهيم

وتابعت: "كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟".

وعرض لمها أحمد، مؤخرا مسلسل "بيت الشدة"، حيث تعاونت فيه مع مجموعة كبيرة من الفنانين، والعمل من تأليف ماجي عبدالله وإخراج وسام المدني.

اقرأ أيضا:

موعد عرض مسلسل "بطن الحوت" لـ محمد فراج وباسم سمرة

أحمد حلمي: فيلم "عسل أسود" كان المفروض يعمله عمر الشريف.. وبدلنا السيناريو

أحمد العوضي يتذكر سنوات بعده عن التمثيل: اشتغلت في نادي فيديو وعشت من إيجار عربيتي

أحمد حلمي: فنان بنحبه تنمر عليّ في طفولتي قال علي "ميكي ماوس"

لا يفوتك: الفنان ومدرب التمثيل نصر زينهم يحكي عن ذكرياته مع مدرسة المشاغبين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5