كيف خرج من حواره مع بيرس مورجان منتصرا ... باسم يوسف يكشف السر

نهال ناصر | فى حياة المشاهير

باسم يوسف وبيرس مورجان

الاثنين , 6 نوفمبر 2023 - 14:11 | اخر تحديث: الاثنين , 6 نوفمبر 2023 - 14:11

دافع مقدم البرامج الساخر باسم يوسف عن نفسه بعد الهجوم عليه عبر مواقع التواصل الاجتماعي بسبب جزء من حديثه مع الإعلامي الإنجليزي بيرس مورجان في اللقاء الثاني بينهما الذي عرض الأربعاء 2 نوفمبر، بسبب الحديث عن حماس وصمته عن قول "مورجان" إنها إرهابية، ووضح طريقته في التعامل مع "مورجان" ليخرج من الحوار منتصرا.

وعبر صفحته على Facebook كتب باسم يوسف ليوضح بعض الأمور قائلا: "أكاد أجزم أن معظم الناس اللي ماسكين في جملة واحدة ما اتفرجوش على اللقاء بالكامل ويمكن شافوا مقتطفات ويمكن أصلا ما اتفرجوش إلا على المقطع ده. وللأسف اللي اتفرجوا فعلا وبيكرروا نفس الكلام الناس ماشية معاهم وماحدش اتفرج وده واضح جدا جدا من تعليقاتهم. الحتة دي ماحدش بيتكلم عنها إلا الناس دول على تويتر. كل تعليقات الأجانب بتتكلم وباستفاضة عن النقط التانية المهمة اللي بتوضح إننا بنتعامل مع دولة فصل عنصري وحكومة كدابة والمصادر اللي بتوري الفظائع اللي عملتها عصاباتهم في دير ياسين وعن التاريخ اللي بيشرح أنه مشكلة أوروبية وعن فصل اتهام معاداة السامية والصهيونية وعن المعلومات الكتير جدا اللي خلت ناس من كل حتة في العالم يتعرفوا على الصراع من زاوية تانية خالص".

منشور باسم يوسف

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: "الحوار الساعتين ده جاب "دقايق مشاهدات" أكتر من الأولاني بكتير والحوار ده بقى يستخدم كمرجع الناس تبعته لأصحابهم الأجانب عشان يفهموهم. لكن نفس المجموعة اللي قلت عليها سايبين كل ده وماسكين في الحتة دي وعمالين ينظروا المفروض تقول إيه وما تقولش إيه. وعشان التنظير سهل من ورا الكيبورد؛ خدوا الكلمتين دول يمكن تستفيدوا: بيرس واحد من أشهر المحاورين في العالم لكنه مش ستايل أوبرا وينفري مثلا. لا الاستايل بتاعه أنه هجومي، مشطشط بيضغط على الضيف ويتعمد يقوله كلام ينرفزه، فالضيف ينقض على حتة معينة فالحوار كله ينحصر في مشادات كلامية مالهاش أي طائل، أنا كنت عارف أنه حيعمل كده عشان كده لو اتفرجت على الحوار (بدل ما أنت قاعد تكرر كلام محفوظ من ناس تانية) حتلاقيني قاعد ساكت وهو بيقول الكلام ده لما بيخلص كلامه بيفاجأ أني ما دخلتش فيه فجأة بقى فيه مساحة فاضية هنا أنا اقدر ادخل وأقول النقط اللي أنا محضرها".

وأكمل باسم يوسف: "لما بيشكك في الأرقام لقيت نفسي حدخل في موال ودوامة "ده قال ده ماقلش" وفي الآخر وقت أكتر ضايع. في موضوع المستشفى أنا قلت فيه تقرير للنيويورك تايمز أثبت كذب إسرائيل وهو قام بكل قوة قال ما حصلش، بصيتله وضحكت وقلت "أوكيه" عشان عارف أن بعد دقيقتين من الحوار الناس حتطلع المقال ده لو قريت تعليقات الأجانب كلها بتقول حاجة واحدة "أنا أول مرة أشوف بيرز ساكت أنا أول مرة اتفرج على بيرز لمدة ساعتين وده لأني سحبته في حتتي وماخليتوش يستدرجني في أسلوبه المعتاد".

تعليق باسم يوسف

وأضاف: "أنا مش جاي أكسب نقط عليه الكلام بتاع أنه أجبر باسم إنه يعترف، كلام مضحك لأني مش جاي لا كلام معاه أنا من الآخر كده جاي واحد البلاتفوروم إيجار عشان اتكلم لجمهور مش بيسمعنا تصنيف جماعة أنها إرهابية أو لا مش فارق خالص لأن لامؤخذة أمريكا ومجلس الأمن مش مستني تصنيفي عشان يوقف إطلاق النار والحوار كله بعد كده مبني على أن حتى لو دول إرهابيين مفيش مبرر لكده وهو نفسه اعترف ان نتنياهو بيمول الموضوع كله . و ان الموضوع مالوش علاقة بده كله . لو انت مش مدرك ده بيقى انت فعلا ما اتفرجتش وعمال تسمع كلام من ناس مش أمينة ويمكن هما كمان ما اتفرجوش ولو اتفرجوا مفهموش ولو فهموا يبقوا مش فاهمنين لغة الجمهور ولا ظروف الناس اللي بتتفرج ونفس الناس دي بتحتفي بناس تطلع تزعق وتعلي صوتها وتعيط كل ده للاستخدام المحلي كون أن حد "يفش غلك" عشان زعقله بكلمتين بدي حاجات مش بتعيش بل وبتجيب أثر عكسي، إحنا يا أما بنكلم بعض يا أما بنطلع تزعق بره عشان كده ماحدش بيسمع".

تحضيرلات باسم يوسف للحلقة

واختتم باسم يوسف رسالته: "في النهاية أنا واحد مش سياسي ولا ناشط ولا باتكلم بصوت حد، وده آخر ما عندي الناس اللي بتنظر وتتنط وتقول كان المفروض تقولها كده تتجنبها كده، جود لاك يا جماعة. اللي عايش برة يقدر يقولكم الإعلام في أمريكا عامل إزاي، مش فوكس بس لا، سي إن إن، مهما الضرب اشتد في غزة، كل يوم جايبين قصة لحد من الرهائن وعيلتهم وحاجات يعني تقطع القلب ده الجمهور اللي أنا بكلمة أي تردد، أي طريقة تانية في الكلام كان الجمهور ده قفل وما اتفرجش الناس المدلسة دي مش حقول ورينا شطارتكم لأنكم عمركم ما وريتوها أنتم ولا يهمكم قضية ولا بشر مجرد قاعدين على النت تشوهوا ناس مش على مزاجكم وخلاص، سبحان الله في الناس دي لو أنا أقعد ساكت ساكت ليه؟ اتكلم أنت بتركب الترند اسكت تاني رحت فين. لعنة لعنة لعنة".

اقرأ أيضا:

ريهام سعيد تهاجم بيومي فؤاد: احترمت جمهور مسرحية ومش محترم الفلسطينيين ليه؟

أميرة بدر تسأل بيومي فؤاد بعد كلمته بموسم الرياض: محمد سلام غلط في الفن إزاي؟

بيومي فؤاد يخسر 300 ألف متابع عبر فيسبوك بعد هجومه على محمد سلام

طارق الشناوي: أزمة بيومي فؤاد ومحمد سلام أكبر من السوشيال ميديا ... وأطالب أشرف زكي التدخل

لا يفوتك: الفنان ومدرب التمثيل نصر زينهم هيقول لنا رأيه في خالد النبوي ومحمد هنيدي ومحمد رمضان وأمير كرارة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5