بسمة وهبة عن انتقادات رسالتها بالعبرية: أنا عملت انقسام جوة إسرائيل وبحضر رسالة تانية مفاجأة

مروة لبيب | فى سينما وتلفزيون

بسمة وهبة

السبت , 28 أكتوبر 2023 - 15:10 | اخر تحديث: السبت , 28 أكتوبر 2023 - 16:10

ردت الإعلامية بسمة وهبة على الانتقادات التي طالتها بعد أن وجهت رسالة لإسرائيل باللغة العبرية من خلال برنامجها "90 دقيقة".

وخلال لقائها مع برنامج ET بالعربي، قالت الإعلامية بسمة وهبة "أنا تريند أدور عالتريند ليه؟ طبعا أنا اتكلمت بلغة عبرية ركيكة واعترف والمهم إن رسالتي وصلت، نسيوا كل اللي بيحصل وركزوا في الطريقة اللي اتكلمت بيها بالعبرية... انتوا في ايه ولا في ايه؟

وأضافت بسمة وهبة "أنا بعتت رسالة صحوة للشعب الإسرائيلي، إن هو لازم يحاكم نتنياهو لأنه مجرم حرب، هما الأطفال اللي بيصرخوا ويعيطوا وبيكونو مش واخدين رصاص فدا فسفور والكلام دا وصل للشعب الإسرائيلي وأقدر أقول بكل ثقة إني أنا عملت انقسام في الشعب الإسرائيلي لأنهم انقسموا على نتنياهو ... في ناس معاه وفي ناس ضده".

View this post on Instagram

A post shared by ET بالعربي (@etbilarabi)

بسمة وهبة

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

بسمة وهبة

وتابعت بسمة وهبة " مش فارق معايا كل اللي سابوا فلسطين واللي بيحصل فيها وانتقدوا اللغة بتاعتي دا بيدل على نفسيتهم عاملة إزاي، المهم عندي إن كل إسرائيل شافت الفيديو".

وكشفت بسمة وهبة أنها بصدد تحضير رسالة أخرى بالعبرية مفاجأة فهذه المرة ستستعين بتقنية AI كي تصل لرسالة بشكل أفضل ولغة عبرية سليمة.

ومن ناحية أخرى، عبرت الإعلامية بسمة وهبة عن استيائها من تحريف الفيديو الخاص بها الذي وجهت من خلاله رسالة لإسرائيل باللغة العبرية.

وعبر إحدى حلقات برنامجها "90 دقيقة"، قالت بسمة وهبة "دي كانت رسالتي للشعب الإسرائيلي ومعروف مغزاها ايه ، سيبكوا من العبري المكسر بتاعي ... واضح إن الفيديو بتاعي عمل تأثير في اسرائيل وكنت بقول للشعب الإسرائيلي إن رئيسكم مش مهتم بيكم".

وأضافت بسمة وهبة " واضح إن في انقسام جوة الجيش الاسرائيلي خلى نتنياهو متوتر إن مذيعة مصرية عملت فيديو يتيم باللغة العبرية المكسرة بس المذيعة دي كسرت عزيمتك ووترتك وقلقتك سبحان الله يوضع سره في أضعف خلقه، حاولت إني اعمل حاجة أفيد بيها فلسطين".

واستعرضت بسمة وهبة الفيديو المفبرك لها وقالت "هل أنا الشخصية اللي في الشاشة دي؟! يرضيكم كده؟! عاوزة أستحلفكم بالله، هل دي لغتي؟! مش أنا بتكلم عِبري مكسر ومش عاجبكم، حد شاف بقي؟! دا مش بقي ، لكنه صوتي المفبرك بتقنيات الذكاء الاصطناعي»

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ومؤخرا، ردت الإعلامية المصرية بسمة وهبة، على الانتقادات التي تلقتها بسبب حديثها باللغة العبرية في إحدى حلقاتها ببرنامج "90 دقيقة".

وخلال حلقتها في برنامج "90 دقيقة" الذي يعرض عبر قناة "المحور"، قالت بسمة وهبة "في ناس مش عاجبها لغتي في العبري، أنا قلت النهارده ريح الزبون، أنا قررت أتكلم بالعربي عشان محدش يضايق، وهجيب حد يترجم الكلام بالعبري".

وأضافت بسمة وهبة: "انتوا حساسين أوي من حتة بتاعة طلاقة اللسان في العبري، لو إنجليزي أو فرنساوي نص نص ماشي، إنما العبري، لأ، لازم اللي يتكلم عبري يكون بيتقنه، وتكون راحت عاشت في إسرائيل شوية فأتقنت العبري!" أو عملت فيلم قعدت ست أشهر زي مهمة في تل أبيب تتعلم العبري زي الفنانين الجمال ما علموا، لما تكون في وسط مذبحة فيها أخوننا وأسرنا وأهلنا الفلسطينيين وكلمتين عاوزين يتقالوا بالعبري قررت أقولهم وأنا في العربية وتحسب لي هذه المحاولة.

وتابعت بسمة وهبة: الغريب أني لما فتحت أكونتات الناس اللي بتهاجمني لاقيتها أكونتات فيك معمولة إذا دي حملة ممنهجة من مين وليه مش فارق معايا، بس الأهم إن الرسالة بتاعتي وصلت لإسرائيل واللي مش عاجبه يعمل زي واللي غيران مننا يعمل زينا.

واستطردت بسمة وهبة: والله ما ندمنت لحظة أني عملت كده، والناس اللي بتتريق في منتهى السخافة ولا تسوى شيء لأنهم سابوا الحدث والموضوع وقعدوا يركزوا في حاجة مالهاش علاقة بالمشكلة والحدث اللي إحنا فيه، وأنا هعمل شغلي وأنجح أكتر وهستمر اكتر بإذن الله تعالي.

من ناحية أخرى، أكدت الإعلامية بسمة وهبة أنها حققت هدفها من الرسالة التي وجهتها من خلال برنامج "90 دقيقة" إلى الشعب الإسرائيلي باللغة العبرية.

وقالت بسمة وهبة في تصريحات لجريدة "الوطن": عاوزة أقول أنا نجحت وجبت جون وده كان الغرض من الرسالة، لما رسالتي ينقلها روعي كياس ويعتبر من أشهر الصحفيين في إسرائيل، وعرضتها قناة 12 الإسرائيلية، ونقلتها صحيفية يديعوت أحرونوت، فأنا أعتبر إني جبت جون زي محمد صلاح، لإن رسالتي وصلت".

وأضافت: "كل يوم بنصرخ ونتكلم على كل مواقع التواصل الاجتماعي، وفي الآخر هما عاملين تعتيم على كلامنا، وعلى الشعوب العربية كلها وأي حد يتضامن مع شعب فلسطين ويعترض على اللي بيحصل مع الفلسطينيين".

وتابعت: "أنا لغتي أصلا عربية وأفتخر، ومش بعرف عبري لكن حاولت ونجحت، ويوم واحد إتكلمت عبري ده طلع منه وده نجاح لي عل فكرة، لكن الناس انقسموا ناس عحبها وناس عندها وقت فاضي ومش فارق معاها فلسطين".

واختتمت بسمة وهبة رسالتها قائلة: "الناس بتركز للأسف على الفاضي وده للأسف يدل على مأساة، ركزوا في الجرائم اللي بتحصل في غزة، وأنا شوفت تعليقات من إسرائيليين بيقولوا لغتها كانت صعبة بس الرسالة مفهومة".

وكانت بسمة وهبة طالبت الشعب الإسرائيلي في رسالتها بالعبرية بمساءلة رئيسهم وحكومتهم عن سر تجاهلهم مصير الأسرى الموجودين في غزة، في ظل القصف المتواصل لها.

View this post on Instagram

A post shared by Elwatannews - الوطن (@elwatannews)

وقالت بسمة وهبة خلال تقديمها برنامج "90 دقيقة" المذاع عبر قناة المحور بعد رسالتها بالعبرية: "طلبت منهم في رسالتي يسألوا رئيسهم وحكومتهم ليه مجابش سيرة الأسرى ومش مهتم بيهم"

وأضافت: "ليه بيغامر بالأسرى وهم في المكان اللي قاطع عليهم المياه والنور والكهربا والأكل والشرب، وبتنزل عليهم القذائف، يبقى إنت مش همك شعب إسرائيل" (التفاصيل)

اقرأ أيضا:

تزوج فاتن حمامة سرا وتغزل في جمال يديها بعد الطلاق وأخرج "رد قلبي" على كرسي متحرك وظل مستيقضا ليلة وفاته انتظارا للموت … ما لا تعرفه عن "مخرج الرومانسية" عز الدين ذو الفقار

منهم أكرم حسني وحنان مطاوع وميرهان حسين ... مشاهير يطالبون إيلون ماسك بإمداد غزة بالإنترنت الفضائي

فيدرا تبكي وتوجه رسالة بالإنجليزية عن قصف غزة: مذبحة جماعية تحدثوا الآن (فيديو)

علا غانم تعلن رغبتها في تبني طفل يتيم من غزة

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5