فيدرا عن محمد سلام: هو كسب كل حاجة علشان عمل بعقيدته

مروة لبيب | فى حياة المشاهير

فيدرا ومحمد سلام

الأربعاء , 25 أكتوبر 2023 - 14:35

دافعت الفنانة فيدرا عن موقف الفنان محمد سلام الذي اعتذر عن عدم المشاركة في مسرحية "زواج اصطناعي" التي تعرض ضمن فعاليات موسم الرياض في السعودية بسبب ما يحدث في غزة.

وعبر حسابها على Facebook، كتبت فيدرا "هو كسب كل حاجه علشان عمل بعقيدته...ما خافش من حد، خاف من نفسه اللي حتلومه لو ما عملش وطبعا خاف من ربه..سلام مافيش منه كتير. ده واقع.و طبعا كل انسان حر و كل انسان عارف نفسه وعارف مقدرته ولا يكلف الا وسعها، وسعها على الصعيد المادي و النفسي.ده وسع سلام وده وسع باسم وده وسع صلاح".

فيدرا

منشور فيدرا

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

من ناحية أخرى، اعتذر الفنان محمد سلام عن عدم المشاركة في مسرحية "زواج اصطناعي" التي تعرض ضمن فعاليات موسم الرياض في السعودية.

وفي مقطع فيديو نشره عبر انستجرام أعلن محمد سلام اعتذاره عن عدم السفر إلى السعودية لتقديم المسرحية بسبب استمرار العدوان على غزة.

وقال محمد سلام "السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر".

View this post on Instagram

A post shared by Mohamed Sallam - محمد سلام (@m0hamed.sallam)

وتابع محمد سلام:"هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم".

وأوضح:"أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده".

واختتم:"كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا".

يذكر أن الفنان محمد سلام قد شارك في الجزء السابع من مسلسل "الكبير" الذي عرض رمضان الماضي إلى جاتب كل من أحمد مكي وبيومي فؤاد وهشام إسماعيل وحاتم صلاح ورحمة أحمد ومصطفى غريب وحسين أبو حجاج وسماء إبراهيم وعبد الرحمن حسن، كما يظهر عدد من ضيوف الشرف منهم نور وأحمد السقا وكمال أبو رية، وهو من تأليف مصطفى صقر، وإخراج أحمد الجندي.