أميرة بدر: محدش منتظر فيديو محمد رمضان علشان ياخد قرار الحرب

محمد سليم | فى سينما وتلفزيون

محمد رمضان وأميرة بدر

الأحد , 22 أكتوبر 2023 - 23:16 | اخر تحديث: الاثنين , 23 أكتوبر 2023 - 00:50

علقت الإعلامية أميرة بدر على الفيديو الذي نشره النجم محمد رمضان مؤخرا، وتحدث فيه عن الأحداث التي تشهدها غزة.

وقالت أميرة بدر خلال تقديمها برنامج "ملفات" عبر قناة هي: "محمد رمضان نجم كبير جدا، والناس بتحبه وتحب أعماله جدا، لكن مش مطلوب منه يقول رأي سياسي، ولو قال مش شرط يكون رأيه صح، كل واحد حسب خبرته وخلفيته".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد رمضان

وأضافت: "محمد عمل فيديو زعق فيه وقال فين الجيوش العربية، وناس كثيرة احترمت كلامه، لكن لو ربنا مدينا شهرة كبيرة لازم نحسب كل كلمة بنقولها، لأن دخولنا الحرب مش سهل، وفي حسابات كثيرة سياسية واقتصادية وإقليمية".

محمد رمضان

وتابعت: "للناس اللي قالت محمد رمضان لازم يتحاكم، مش أي حد يقول رأيه نحاكمه، لازم نتقبل الآراء ويكون عندنا حرية طرح الآراء، وفي الآخر إحنا دولة عندها حكومة وقيادة لهذه القرارات، محدش مستني فيديو من محمد رمضان أو غيره علشان ياخد قرار".

طالع أيضا - أنغام ردا على رسالة تهديد إسرائيلية: لنا لقاء قريب تكونون فيه تراب تحت أقدامنا

محمد رمضان

وكان محمد رمضان نشر قبل أيام فيديو قال فيه: "السلام عليكم ورحمة الله وبركاته، ربنا يصبر أهالي الشهداء، ويرزقهم الاستقرار والنصر القريب إن شاء الله، كم الرسائل اللي بتجيلي وعايزني أنزل حاجة، وعايزين صوتنا يوصل، يوصل لمين؟ يعني عايزين صوتنا يوصل لمين برا بلادنا؟ صوتنا يوصل لبلادنا، بلادنا عندها جيوش وعندها أسلحة، وبنشتري أسلحة ودبابات وبنشتري طيارات، وبنسيبها لحد ما تصدي ونشتري غيرها، هنستخدمها إمتى أسلحتنا وجيشنا وجيوشنا؟"

محمد رمضان

وتابع: "وصوتنا يوصل لمين برا؟ احنا عايزين مين برا يدافع عننا؟ قمة الجبن وقمة عدم الرجولة لما نقول ان احنا عايزين نكتب بالإنجليش عشان برا يعرفوا إن احنا بنتضرب".

وأضاف منفعلا: "وانت فين أنت؟ فين بلدك وفين جيشك؟ صوتك يوصل لحكومتك، قول لحكومتك طلع السلاح وروح حارب، إنجليش إيه؟ مين هيدافع عن عربي زيه زيك ما نقول كلام عاقل" (التفاصيل)

اقرأ أيضا:

منهم عمرو أديب وصلاح عبد الله وفتحي عبد الوهاب ... نجوم تفاعلوا مع إصابة موقع مصري بشظايا إسرائيلية

55 فنانا عالميا يطالبون بوقف إطلاق النار على غزة .. بينهم واكين فينيكس وأندرو جارفيلد وكريستين ستيوارت

نادين نسيب نجيم تعتذر لجمهورها من باريس بسبب فلسطين: مجبورة أروح لشغلي (فيديو)

#السهرة_الرياضية - السيرة الذاتية ZÁTOPEK عن الرياضي الوحيد الذي فاز بـ3 ميداليات ذهبية في سباقات الجري في نفس الأولمبياد

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5