حمزة نمرة يهدي والده الراحل أغنية "مرايات"

محمد أحمد | فى موسيقى وحفلات

حمزة نمرة

الأربعاء , 20 سبتمبر 2023 - 19:24

أهدى الفنان حمزة نمرة، أغنية "مرايات" لوالده الراحل، نظرا لاحترافه فن الرسم ولكنه كان يعمل طبيبا.

وكتب حمزة نمرة عبر حسابه بموقع التواصل الاجتماعي Instgram: "أنا فاكر الصورة دي، كانت في عيد ميلادي وبابا الله يرحمه كان جايب لي هدية، أنا كنت عايز الموقف يعدي بسرعة ومحرج واخواتي بيصوروني وبابا بيديني الهدية وهو حاضنّي".

حمزة نمرة

نرشح لك - #شرطة_الموضة: سيرين عبد النور تتألق بفستان أبيض من نجا سعادة في العراق

وأضاف: "لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي وعرفت تعبر عن المحبة اللي جواك للي حواليك".

وذكر حمزة نمرة: "بابا كان من صغره فنان وبيحب الرسم، كان نفسه يطلع رسام، لما خلص ثانوية عامة مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص، طبعًا اتخرج من الطب وما دخلش فنون جميلة وسافر واشتغل طبيب أربعين سنة، كان مخلص جدًا لشغله وربنا رزقه نجاح وسمعة طيبة".

حمزة نمرة

وتابع: "في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على الفيسبوك، كأنه بيقول إعرفوني، ده أنا، مش الشخص اللي عرفتوه الأربعين سنة اللي فاتت، أغنية مرايات، بأهديها ليك يا بابا".

View this post on Instagram

A post shared by Hamza Namira (@hamzanamira)

وتقول كلمات أغنية مرايات:
مرايات والصورة عكس الصورة، عمري في المرايات، وسنين جوّه صورة، وشريط ذكريات، وشكلك الملخبط، وعقلك لما خطط، يتنطط قلبك يزقطط، لما قالتلك حبيبي، أحلامك مش مقاسك، لأ دي أكبر نمرتين تلاتة، ماشي وانت مش خايف كالعادة، مجنون معجون بمية العفاريت محبوس، مستنني لحظة حظ ينفتح فيها الفانوس، أيام ما كنت تقدر، وتعدي ليلة كاملة، من غير ما تشوف كابوس، مرايات والصورة عكس الصورة، عمري في المرايات

حمزة نمرة

في سياق متصل، أحيا حمزة نمرة اليوم الأحد الماضي 17 سبتمبر حفلاً غنائيًا في مالو بالسويد، وقدم خلال الحفل مجموعة مميزة من أشهر أغنياته، وذلك بعد أن أحيا عددًا من الحفلات في جولته الفنية التى كانت بأمريكا وفرنسا وهولندا.