رضوى الشربيني: مهاجمتش أحمد سعد ومعنديش الجرأة أعمل زي أسما شريف منير

مروة لبيب | فى حياة المشاهير

أحمد سعد وعلياء البسيوني ورضوى الشربيني وأسما شريف منير

الأربعاء , 6 سبتمبر 2023 - 00:35 | اخر تحديث: الأربعاء , 6 سبتمبر 2023 - 00:36

علقت الإعلامة رضوى الشربيني، على أزمة طلاق الفنان أحمد سعد ومصممة الأزياء علياء بسيوني من جديد.

وخلال لقائها مع برنامج ET بالعربي، أوضحت رضوى الشربيني ما قصدته من تصريحاتها على لسان علياء البسيوني من قبل وقالت ": أنا بدعم كل الستات وهي لو صاحبتي هدعمها، وأنا مهاجمتش أحمد سعد، أحمد صديقي وعلاقتي بيه كويسة جدا جدا وأنا كنت بتكلم على الناس اللي بتنتقد علياء، وأنا متأكدة أن الخير جايلهم لأن أحمد وعلياء طيبين.

أحمد سعد وعلياء البسيوني

رضوى الشربيني

وتطرقت رضوى الشربيني للحديث عن الفنانة أسما شريف منير التي أثارت الجدل مؤخرا بحلاقة شعرها تماما وقالت ": أسما شريف منير حبيبتي وأنا بحبها وهي عارفه أنها قريبة من قلبي، وأنا قولت أنها معملتش حاجة غلط، وطالما مبتعملش حاجة تضر حد يبقى محدش له دعوة، وقولت للفنان شريف منير برافوا عليك لأن كل أب لازم يبقى داعم لابنته، ومعنديش الجرأة أعمل زيها.

أسما شريف منير

يذكر أن مصممة الأزياء علياء البسيوني أعلنت انفصالها عن الفنان أحمد سعد وذلك عبر خاصية الإستوري على حسابها بموقع إنستجرام.

وكتبت البسيوني " الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابه إنه ينتهي" (التفاصيل)

وكانت أسما شريف منير نشرت فيديو لها أثناء حلاقة شعرها، وعلقت كاتبة: شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة وتفاؤل".

وتابعت: رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حسه اني طالعة منها بدري، عارفة ان في ناس كتير هتهاجمني بس انا فراق معايا احساسي بالراحة اللي انا حسها دلوقتي…عادي هيطول تاني بس الاحساس ده مش هحسه غير مرة".