شريف منير يرد على انتقادات حلاقة ابنته شعرها أمام الجمهور: زي القمر وبرافو أخدت التريند

محمد سليم | فى حياة المشاهير

شريف منير وابنته أسما

السبت , 26 أغسطس 2023 - 01:06 | اخر تحديث: السبت , 26 أغسطس 2023 - 01:06

أكد الفنان شريف منير دعمه لابنته أسما، بعد الانتقادات التي تعرضا لها عقب قيامها بحلق شعرها في فيديو نشرته على السوشيال ميديا، ثم ظهورها حليقة الرأس في حفل توزيع جوائز مهرجان القاهرة للدراما مساء الخميس.

وقال شريف منير في فيديو نشره عبر حسابه بموقع التواصل الاجتماعي Instagram: "إيه الضجة والدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة".

نرشح لك - شيرين عبد الوهاب تفاجئ جمهورها في الرياض بإطلالة رياضية (فيديو)

أسما شريف منير

وأضاف: "إوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي".

أسما شريف منير

وتابع: "قبل الإخوة السادة الملايكة الصالحين، اللي عمالين يقلوا أدبهم ويشتموا، ويقولوا بتاخد تريند وأبوها معرفش يربيها، أنا بنتي متربية كويس جدا، وبتتصرف باللي هي حاسة بيه، المهم إنها مش بتؤذي حد، وقبل ما تتكلموا بصوا على نفسكو وعلى ولادكو وإخواتكو قبل ما تنتقدوا وتغلطوا".

طالع أيضا - #شرطة_الموضة: منة شلبي بفستان مصنوع يدويا من الحرير الناعم سعره يتجاوز 70 ألف جنيه

أسما شريف منير

View this post on Instagram

A post shared by Sherif Moneer (@sherifmoneerofficial)

أوضح شريف منير أنه لا يرفض تصرف ابنته قائلا: "ريحوا نفسكو واهدوا شوية، اللي حصل من بنتي مش غلط، وهي حرة في نفسها، وبنتي عندها 36 سنة وأم ومسؤولة عن نفسها، أنا أب مسؤول إني أحميها، وهي حرة في تصرفاتها".

أسما شريف منير

ووجه شريف منير رسالة لابنته قائلا: "أسما إنت شكلك زي القمر وكان حلو جدا، وبرافو عليكي إنك أخدت التريند، متسمعيش كلام حد ومتهتميش بكلام حد، وأنا مش مهتم بالكلام اللي بيتقال عني أو عليها".

أسما شريف منير

كانت خبيرة التجميل أسما شريف منير نشرت فيديو مثيرا للجدل لها وهي تحلق شعرها بماكينة الحلاقة.

وعلقت أسما شريف منير على الفيديو كاتبة: "شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل" (التفاصيل)

أسما شريف منير

وخلال تواجدها في حفل مهرجان القاهرة للدراما الذي أقيم مساء الخميس 24 أغسطس، طمأنت أسما شريف منير محبيها عليها، مؤكدة أنها لا تمر بحالة اكتئاب وأن ما حدث كان قرارا لحظيا وانفعاليا لكنها غير نادمة عليه (التفاصيل)

اقرأ أيضا:

بين الغريب والجريء ... أشهر فساتين المهرجانات التي تصدرت الترند

"حريم كريم" يسيطرون على مهرجان القاهرة للدراما

نجوم لفتوا الأنظار بظهورهم مع عائلتهم على السجادة الحمراء في مهرجان القاهرة للدراما

90 صورة من حفل توزيع جوائز مهرجان القاهرة للدراما

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5