عمرو مصطفى: بعيدا عن شيرين وأنغام أنا صوت مصر الأول

مروة لبيب | فى موسيقى وحفلات

عمرو مصطفى وأنغام وشيرين

الثلاثاء , 22 أغسطس 2023 - 21:20

علق الفنان عمرو مصطفى، على الجدل المثار حول لقب مطربة مصر الأولى ومن يستحقه بين المطربين.

وعبر صفحته الرسمية على Facebook، كتب عمرو مصطفى : صوت مصر يساوي عدد ما قدمه الفنان لمصر، زمان كانوا أصوات مصر أم كلثوم لأنها غنت لمصر أعمال فنية أثرت في الشعب في ذلك الوقت، عبد الحليم كذلك والفنانة شادية.

عمرو مصطفى

وتابع عمرو مصطفى: الفنان محمد منير يا مصر يا ام الدنيا ومعظم اغانيه حقا كانت لمصر حتي العاطفيه شيرين قدمت مشربتش من نيلها الاكثر انتشارا في هذه الحقبه واغاني اخري امال ماهر قدمت طوبه فوق طوبه ويا مصريين واغاني اخري".

أنغام

وأضاف عمرو مصطفى " أنغام أيضًا قدمت أغاني لمصر جميلة، وأحمد جمال قدم تحيا مصر تحيا من أشهر الأغاني الوطنية، وهنا يبقى رأي الشعب المصري إيه أكثر الأغاني أثرت فيه لمصر، ولو عايزين الحقيقية أنا صوت مصر في ليه بقى، علمونا في مدرستنا، ماشربتش من نيلها، وطوبة فوق طوبة، بشرة خير، بصوا شوفوا مصر عاملة إيه، علشان أنتِ أتحدى أي مستحيل، وكتير جدًا لو عديت محتاج صفحات.

شيرين

نرشح لك: أحمد فهمي لـ"في الفن": استعنت بطبيب نفسي لتحضير "سفاح الجيزة" ونسيت دورس الطبخ اللي اتعلمتها

واختتم عمرو مصطفى: كل الأغاني السابقة بعدد ما قدمه الفنان لوطنه صح ولا إيه يا بتوع المدارس ولا العمر يروح هدر علشان شوية أشخاص بيوزعوا الألقاب على مزاجهم.

ومؤخرا، شن الملحن عمرو مصطفى هجوما حادا على منتقديه.

وكتب عمرو مصطفى عبر حسابه بموقع التواصل الاجتماعي Facebook: "أنا نرجسي، وأنا مغرور، وأنا منفصل عن زمايلي، وفي حالي ومش بكلم حد في الوسط".

وأضاف: "ارتاحوا بقى وبطلوا تذكروا اسمي في كل مكان، اقعدوا اعملوا لجان في كل حته تطلع تشتمني، وبرامج مخصوص لمهاجمتي، كل ده لأني لازم أكون منافق وأشكر في ناس منافقة، علشان صورتي تكون كويسة قدام الناس".

واختتم تصريحاته النارية قائلا: "طيب أنا عايز صورتي تكون وحشة ارتاحوا بقى".

وكان رامي جمال حل ضيفا على الإعلامية أسما إبراهيم في حلقة الخميس من برنامجها "حبر سري"، المذاع عبر قناة القاهرة والناس، وتحدث خلال اللقاء عن عمرو مصطفى.

وقال رامي جمال خلال حواره بالبرنامج: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟"

وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".

وتابع: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".

وعلق رامي جمال على تصريح سابق لعمرو مصطفى قال فيه "أنا المبدع والمطرب أداة" بقوله: "أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر".