فيدرا تنتقد ضيق مساحة مصلى السيدات بالمساجد: صغير ومكتوم ... وليه بنتعامل كدرجة تانية (فيديو)

محمد أحمد | فى حياة المشاهير

فيدرا

الخميس , 10 أغسطس 2023 - 01:15 | اخر تحديث: الخميس , 10 أغسطس 2023 - 01:15

انتقدت الفنانة فيدرا ضيق مساحة مصلى السيدات في المساجد.

وقالت فيدرا، خلال فيديو نشرته عبر صفحتها بموقع التواصل الاجتماعي Instgram: "أنا عندي سؤال.. احنا طبعا عارفين إن في الجامع الستات بتصلي بعيد عن الرجالة وبنبقى منفصلين، بس هو السؤال اللي أنا مش لاقية ليه أي رد.. هو ليه دايما المصلى بتاع الستات صغير ومكتوم ومقفل بحواجز ومدخله جانبي كده زي ما يكون مثلا مدخل باب المطبخ".

نرشح لك - حمزة نمرة يرد على تشابه "رياح الحياة" مع "قاضي الغرام" لمحمود التهامي

وأضافت: "احنا ليه بنتعامل كدة؟ احنا ليه بنتعامل معاملة المواطن الدرجة التانية؟ يعني ليه المصلى بتاعنا ميبقاش يشرح؟ ليه المصلى بتاعنا ميبقاش مدخله حلو وجميل زي مدخل مصلى الرجالة؟ ليه ده مش متحقق للست؟ ليه أنا كمسلمة داخلة أصلي أتعامل معاملة مواطن درجة تانية؟".

فيدرا

وتابعت: "تلاقي الرجالة عندهم براح مرعب، في رجالة أكتر بتروح تصلي صلاة الجمعة وكل الكلام ده احنا عارفينه بس اعملولنا حاجة أصغر أو أقل لكن إعملوها حلوة.. إعملوا مدخلها محترم وحلو مش مدخل كدا على جنب كأنهم ناس مش مهمة داخلة تصلي.. الست دي كائن مش مهم تدخل بقى من مدخل جانبي كده.. ليه مش فاهمة؟".

View this post on Instagram

A post shared by PHAEDRA 💫 فيدرا (@phaedraalmasri)

واختتمت الفيديو، قائلة: "إعملوا حساب للستات شوية مش هيجرى حاجة لو عملتوا حاجة حلوة للستات وهي رايحة تصلي".

فيدرا

في سياق اخر، تنتظر فيدرا فيلم "العميل صفر" المقرر عرضه يوم 16 أغسطس المقبل بدور العرض السينمائي، بطولة أكرم حسني ، لبلبة، بيومي فؤاد، أسماء أبو اليزيد، ليلى عز العرب، وأخرين.

اقرأ أيضا:

سميرة عبد العزيز: محمد رمضان فنان عظيم وحضرت له مسرحية من غير ما يعرف (فيديو)

#شرطة_الموضة: منة فضالي تتجول في تركيا بإطلالة كاجوال بسيطة.. سعرها يتجاوز 100 ألف جنيه

فيروز في أحدث ظهور لها.. كيف بدت؟

تامر أمين ينتقد إطلالة محمد رمضان في الساحل الشمالي: هو القلع كيف عندك؟

لا يفوتك: "عمك البات" بيتكلم عن إلغاء حفلة ترافيس سكوت في مصر وبيوجه رسالة للمسئولين عن الفنون في مصر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5