تامر حسني: لا أربط الأغاني بحياتي الشخصية.. وأكن لبسمة بوسيل كل الحب والاحترام

محمد أحمد | فى حياة المشاهير

تامر حسني وبسمة بوسيل

الاثنين , 31 يوليو 2023 - 01:07 | اخر تحديث: الاثنين , 31 يوليو 2023 - 01:07

قال الفنان تامر حسني، إنه لا يربط أغانيه بحياته الشخصية.

وكتب تامر حسني عبر حسابه بموقع التواصل الاجتماعي Instgram: "ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده".

نرشح لك - موعد ومكان جنازة نجل حسن يوسف

وأضاف: "رغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر".

تامر حسني وبسمة بوسيل

وتابع: "تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا".

تامر حسني وبسمة بوسيل

واختتم تامر حسني مازحًا: "ده لسة في أغاني توجع أوي نازلة قريب إن شاء الله.. كده مش هنزلها".

طالع أيضا - شاهد على غرق نجل حسن يوسف: جثته ظهرت الواحدة والنصف صباحا

وعلى جانب آخر، أعلن تامر حسني تصويره أغنية جديدة من ألبومه الجديد "هرمون السعادة".

يذكر أن تامر حسني طرح مؤخرا أغنية "مش هتغير علشان حد" وهى ثالث أغاني ألبومه الجديد "هرمون السعادة" عبر قناته الرسمية بقناته الرسمية بموقع الفيديوهات الشهير "يوتيوب" وحققت الأغنية نجاحًا ضخمًا، حيث تجاوزت 9 ملايين مشاهدة 4 أيام منذ طرحها.