سامو زين: عمرو مصطفى له حق في كل اللي بيعمله

مي جودة | فى حياة المشاهير

سامو زين وعمرو مصطفى

الجمعة , 28 يوليو 2023 - 20:07 | اخر تحديث: الجمعة , 28 يوليو 2023 - 20:07

دافع الفنان سامو زين عن الفنان عمرو مصطفى بعد موجة الانتقادات والتصريحات من النجوم ضده بعد تصريحاته المثيرة للجدل في حق عدد من النجوم.

كتب سامو زين عبر حسابه بموقع Facebook: "بما إن ليا مقابله مهمه جدا هتنزل الفتره الجايه سألت عن رأئي في عمرو مصطفي و اللي بيحصل كان جوابي واضح وصريح هو انه من أهم والأهم وحاله فريده وليه الحق تماما بكل إلي بيعمله واللي بيطالب بيه من الملحنين والفنانين وحاله لا تكرر كثيرا في هذا الزمن لعدة اسباب في رأيي الشخصي إن عمرو بيسافر كتير وبيسمع كتير وفعلا قدر يعمل تركيبه عربيه اوروبيه ومعتقدش ان في حد يقدر يوصل للوصله فكريا وذهنيا وفنيا عمرو مصطفي اشتغلت معاه اغنيه واحده فحياتي، وأنا سعيد بيها طبعا في حجات كتير إتقالت هتشوفوها و هتسمعوها ربنا يستر ومحدش يزعل مني".

وتابع: ملحوظه سألت عن هذا الموضوع بما إني منتج وملحن اغاني الورد الاحمر وقربي ليا وكثير من الاغاني وعضو في جمعيه الملحنين والمؤلفين فكنت لازم ارد بكل وضوح وصراحة.

سامو زين يدافع عن عمرو مصطفى

وبعدما نالته الانتقادات من محبي النجم عمرو دياب بسبب موقفه مع عمرو مصطفى، كتب سامو زين: "انا من جمهور عمرو دياب، ومن سنين، فبلاش الكلام يبقي بالطريقه دي عليا أنا بالذات، طول عمري بحالي ومع نفسي بشغلي والهجوم يبقي بالشكل ده، وكميه المسجات إلي بتجيلي من كثير من الناس والاصدقاء والفنانين انا بتكلم علي حق عمرو مصطفي وده حقه بحكم الخبرة والنجاح والمذاكرة والسفر والتطوير".

وتابع: ده ليه إيجابيات كثيره يا جماعه ولازم تحترم جدا جدا مينفعش بجد وأمور كثيره هذا الجيل يجب أن يطلع عليها ويعرف أن هذا الفنان صنع تاريخ كبير لمصر والوطن العربي وما زال يفعل وسجل اسمه كملحن تقيل جدا التاريخ لا ينسى لو نسيتو الكلام ده بس صدقوني لو نسيتو الكلام ده عمركم مهتلاقو تاريخ يفتكركم كل التحيه لشجاعه هذا الفنان الكبير والملحن الاعظم في تاريخ هذه الصناعه في السنوات الأخيرة وكل ما يقوله حقيقي ١٠٠ في الميه وحقه وحقنا كلنا.