وفاء عامر: لو جوزك خانك إنتي اللي غلطانة (فيديو)

نهال ناصر | فى حياة المشاهير

وفاء عامر

الاثنين , 10 يوليو 2023 - 14:07 | اخر تحديث: الاثنين , 10 يوليو 2023 - 14:07

صدمت الفنانة وفاء عامر جمهورها ببعض آرائها عن الرجل والمرأة وفكرة الخيانة، وأكدت أن المشكلة دائما تكون في الزوجة.

وخلال حلولها ضيفة على برنامج "الستات ما يعرفوش يكدبوا" قالت وفاء عامر إن الزوج الذي يخون زوجته يكون الخطأ عليها موضحة: " إنتي اللي غلطانة معرفتيش تختاري الراجل اللي يحافظ عليكي، إنتي اللي غلطانة إنك معرفتيش تختاري أب لأولادك وإنتي اللي غلطانة عشان لو اتطلقتي البيت كله هيتهد وهيبقى في أولاد مشردين ومعقدين، إنتي اللي غلطانة من الأول إنك سبتيه يخرج منك وإنتي غلطانة إنك مش عارفة تفاصيله".

وفاء عامر تحدثت عن سبب خيان الرجل للمرأة

نرشح لك: رزان مغربي تلتقي عمرو دياب في الساحل الشمالي ... حديث طريف بين ابنها والهضبة

وقاطعتها الفنانة منى عبد الغني لتؤكد لها أن بعض الرجال بطبعهم خائنين، لكن وفاء عامر كان لها رأيا آخر فترى أن هذه فئة قليلة من الرجال، وأن بسبب الأوضاع الحالية يعمل الرجل أكثر من مهنة وعندما يعود إلى المنزل يريد الراحة لكنه يجد "ست البيت" تنتظره لتشتكي له وأحيانا هذا يزعجه، مضيفة: "الغلطة بتبقى من الست، لما الراجل بيبص برا ليه؟ هو ناقصة إيه جوه؟".

وفاء عامر

وعن علاقتها بزوجها المنتج محمد فوزي وغيرتها عليه قالت وفاء عامر: "أنا في الأول كنت بغير أكتر هو مش بيغير هو واثق فيا، أنا مطمنه لحبه، بس المشكلة هو لسانه حلو وممكن بيكلم حد يقول يا حبيبتي فهمت بقى أن دا كلام، مش بغير من حد في الوسط لأن إحنا كلنا زي القرايب والستات جدعان، ودلوقتي بغير وأنا ساكته وعمري ما بفتش التليفون وهو بيسيبه جنبي، وهو في حد يبقى متجوز وفاء عامر ويبص برا، أنا بعمل كل حاجة، أتعلمت عشانه الطاولة مع أني مكنتش بطيقها، أنا صاحبه ومامته وأخته".

وفاء عامر

يذكر أن وفاء عامر شاركت في الموسم الرمضاني الماضي في بطولة مسلسل "حضرة العمدة" من بطولة روبى، بسمة، سميحة أيوب، لطفى لبيب، صلاح عبد الله وأحمد بدير، دينا، وفاء عامر، ومحمد محمود عبد العزيز، وإدوارد، ومحمود حافظ، وإيهاب فهمي، وكريم عبد الخالق، ومحمد الصاوي، ونهلة سلامة، وحسام داغر، وصولا عمر، وتأليف إبراهيم عيسى وإخراج عادل أديب، ومن إنتاج ريمون مقار ومحمد محمود عبد العزيز.

كما شاركت وفاء عامر في رمضان في مسلسل "الكتيبة 101" بطولة عمرو يوسف، آسر ياسين، فتحي عبدالوهاب، ميرنا نور الدين، رشا مهدي، أحمد صلاح حسني كضيف شرف، وفاء عامر، وهو من إخراج محمد سلامة، ومن تأليف إياد صالح.

اقرأ أيضا:

ويجز يحذر جمهوره من النصب باسمه

رسالة خالد الصاوي للنادي الإسماعيلي: أوعى تهبط أنا وروح أبويا بنشجعك (فيديو)

فيفي عبده تعود لفراش المرض مجددا وتعلق: عليك خلاص الحق يا رب (فيديو)

إيناس مكي عن عدم عملها مع أحمد مكي: ما ينفعش أطلع متجوزة وبحب أخويا الصغير

لا يفوتك: تحليل النغمات مع عمك البات جايب تفاصيل أغنية أحمد سعد اللي "مكسرة" التريند .. اختياراتي مدمرة حياتي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5