علاء زينهم عن مشهد سقوط البنطلون في مسرحية "الزعيم": عادل إمام صمم عليه

مروة لبيب | فى سينما وتلفزيون

علاء زينهم

الثلاثاء , 13 يونيو 2023 - 01:02

كشف الفنان علاء زينهم كواليس مشاركته في مسرحية "الزعيم" مشيرا إلى أنه كان يتمنى العمل معه منذ دخوله المجال الفني.

وخلال لقائه مع الإعلامي عمرو الليثي في برنامج "واحد من الناس" الذي يعرض عبر قناة "الحياة" قال علاء زينهم "روحت للاستاذ حسن عبد السلام المخرج علشان يشغل واحد صاحبى اسمه عربى وانا مروح انا وهو الاستاذ عادل امام كان بيعمل بروفات فى مسرح "ليسيه الحرية " وقولت لصاحبي يا سلام ربنا يكرمنا و نشتغل مع الاستاذ عادل امام ، و بالفعل لاقيت واحد صاحبى بيقولى تعالى بكره تعمل مقابلة مع الاستاذ عادل امام علشان تشتغل معاه فى مسرحية "الزعيم" .

علاء زينهم

نرشح لك - بالصور ... وصفات مي عمر للحظات سعيدة بأشياء بسيطة

وأضاف زينهم "انا افتكرته بيهزر لحد ما روحت وفعلا قابلت الاستاذ عادل و قعد يهزر معايا وطبطب على كتفى وكنت ماسك كوبايه شاى بتغلى محستش بسخونتها وانا بكلمه، وكنت بخرج على النص معاه وكان بيضحك و يثبت الافيه فى المسرحية .

علاء زينهم

وحكى علاء زينهم كواليس أشهر مشهد في المسرحية وهو مشهد سقوط البنطلون وقال " كان في مشهد المفروض البنطلون بيقع ولكنه موقعش ولقيت الجمهور بيضحك فطلب مني الزعيم ان اقدم المشهد دا يوميا بنفس الطريقة"

علاء زينهم

متابعا بان العمل مع النجم عادل امام هو متعة وقيمة كبيرة وهو الافضل بالتاكيد وحلم كل فنان العمل معه.

علاء زينهم

وخلال اللقاء كشف الفنان علاء زينهم كواليس خلافه مع الفنان سيد زيان في مسرحية "العسكري الأخضر" والذي تسبب بانسحابه.

وقال علاء زينهم ":أنا كنت بمثل فى مسرحية "العسكرى الاخضر" وكان في مشهد المفروض ان سيد زيان بيضربنى فيه بالقلم وانا رفضت، وقولتله لو ضربتنى هاضربك وبعدها رفضوا استمرارى وقولت ليهم ده اخر يوم ليا معاكم، وكانوا فعلا بيدوروا على حد تاني".

ولفت علاء زينهم إلى أنه تصالح مع الفنان سيد زيان بعدما التقاه مجددا مضيفا "اتقبلنا بعد كده وقالى لسه خايف منى ومش عاوز تشتغل معايا واتصالحنا.

كما تحدث عن موقف اخر حدث له بسبب رفض الضرب في الأعمال الفنية قائلا "استاذ هانى لاشين فى مسلسل زعل منى لانى رفضت اضرب ابنى وانا مش بحب اضرب حد أو اتضرب، حتى احمد زاهر مضربنيش فى مسلسل البرنس، ومحمد سامى الله يكرمه اخد لى شوطات من زوايا مختلفة اعطت احساس بالقلم وستات فى الشارع كانت تقابلنى تقولى ازاى يضربك كده واحلفلهم أن ده تمثيل".

من ناحية أخرى شارك علاء زينهم شارك في مسلسل "جت سليمة" من بطولة دنيا سمير غانم محمد سلام، سامي مغاوري، هالة فاخر، خالد الصاوي، شيرين، محمد ثروت، غادة طلعت، مايان السيد وعدد آخر من ضيوف الشرف، تأليف كريم يوسف وسامح جمال، وإخراج إسلام خيرى وإنتاج أحمد السبكى.