إلهام شاهين تحكي كواليس فيلم "الهلفوت": طلبت أجر 5000 جنيه وعادل إمام قالي "عبيطة"

نهال ناصر | فى سينما وتلفزيون

إلهام شاهين وعادل إمام

السبت , 13 مايو 2023 - 15:16 | اخر تحديث: السبت , 13 مايو 2023 - 15:24

استعادت الفنانة إلهام شاهين ذكريات تعاونها مع الفنان عادل إمام في فيلم "الهلفوت" واختياره لها لمشاركته في هذا الفيلم.

وحكت إلهام شاهين خلال مداخلة هاتفية مع برنامج "المصري أفندي" من تقديم الإعلامي محمد علي خير عبر قناة "المحور" للاحتفال بعيد ميلاد "الزعيم" قائلة: "عادل إمام هو اللي اختارني لفيلم "الهلفوت" وهو اللي كلمني وبعتلي السيناريو ودا كان قبل ما الإنتاج والإخراج يكلموني، وقالي أطلبي اللي أنتي عايزاه أنا عايزك في الفيلم، هما كانوا، كان واضح أن عاملين ميزانية كبيرة، وفي آخر يوم تصوير بشكره فسألني "مبسوطة وأخدتي الأجر اللي أنتي عايزاه؟"، قولت له أه فسألني "أخدتي كام؟" قولتله 5000 جنيه، أستاذ عادل شخط فيا وقالي يالا يا عبيطة يا هبلة بقولك أطلبي الأجر اللي انتي عايزاه تطلبي 5000 جنيه، فقولته أنا كان المفروض أطلب أكتر قالي أه أنتي مع عادل إمام قولتله أطلب كام 10 آلاف جنيه، قالي أطلبي 50 ألف جنيه.

إلهام شاهين وعادل إمام في مشهد من فيلم الهلفوت

نرشح لك: شيرين عبد الوهاب ترقص مع حسام حبيب على أغنية "كل ما أغني" (فيديو)

وعن تعاونها مجددا مع عادل إمام قالت: اتكرر بعدها التعاون في فيلم أستاذ عادل إمام في أول يوم تصوير سألني "إيه اللي خلاكي تعملي الفيلم ده" قولتله أنا لو حد قالي فيلم ليكوهعدي من قصاد الكاميرا هقبل، قالي لأ أنتي أكبر من الدور ده، الفيلم كان "رمضان فوق البركان" كسر الدنيا إيرادات لكن أنا مستفدتش منه عكس "الهلفوت" اللي نقلني في حياتي وفي الأدوار، واتعلمت درس أنه مش أي دور بطولة لازم دور مهم.

إلهام شاهين وعادل إمام

وفيلم "الهلفوت" إنتاج عام 1985، بطولة عادل إمام، إلهام شاهين، وداد حمدي، صلاح قابيل، حسين الشربيني، تأليف وحيد حامد، إخراج سمير سيف.

بوستر فيلم الهلفوت

يذكر أن آخر أعمال إلهام شاهين كان مسلسل "بطلوع الروح" في رمضان 2022، بطولة منة شلبي، وإلهام شاهين، أحمد السعدني، عادل كرم، محمد حاتم، دياموند بو عبود، تأليف محمد هشام عبية وإخراج كاملة أبو ذكري.

اقرأ أيضا:

#شرطة_الموضة: رزان مغربي بفستان أحمر يبرز نحافتها

ليلة استثنائية وحضور غير مسبوق .. عمرو دياب يتألق في حفل الذكريات بالجامعة الأمريكية

تعليق عمرو أديب على فوز الأهلي على الترجي التونسي ... ماذا قال عن الزمالك

سارة سلامة تؤدي مناسك العمرة: حققت أكبر حلم في حياتي

لا يفوتك: "تحليل النغمات مع عمك البات": تقييم أغنية "زينة" للمطربة الفلسطينية ناي البرغوثي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5>