محمد فؤاد يتسبب في انهيار بسمة وهبة في برنامج "العرافة" (فيديو)

محمد سليم | فى سينما وتلفزيون

بسمة وهبة

الخميس , 6 أبريل 2023 - 20:04 | اخر تحديث: الخميس , 6 أبريل 2023 - 20:04

تسببت أغنية الفنان محمد فؤاد "طمني عليك" في انهيار الإعلامية بسمة وهبة باكية، خلال تقديمها حلقة من برنامجها "العرافة" عبر قناة المحور، استضافت فيها محمد فؤاد.

وفوجئت بسمة وهبة بغناء محمد فؤاد هذه الأغنية التي أثرت فيها، وظهر عليها الانفعال لدرجة أنها طلبت منه التوقف عن الغناء قائلة "كفاية"، قبل أن تستسلم لدموعها.

نرشح لك - صفعها من أحمد فهيم ووفاة والدها الأبرز.. مشاهد لافتة لـ "زينة" في "جعفر العمدة"

بسمة وهبة

ونشرت بسمة وهبة عبر حسابها في موقع إنستجرام مقطع فيديو علقت فيه على بكائها قائلة: "بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".

بسمة وهبة

وتابعت: "بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول".

طالع أيضا - أول مرة تقف أمام الكاميرا... من هي رويا هاشمي "جوليا" في "الهرشة السابعة"؟

بسمة وهبة

View this post on Instagram

A post shared by Basma Wahba (@basma_wahba)

واختتمت بسمة وهبة تعليقها قائلة: "أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي".

اقرأ أيضا:

مواعيد عرض مسلسلي "تحت الوصاية" و"جت سليمة"

أحمد العوضي لجمهور "ضرب نار": الكوماندا طالع بكره وكله هيتحاسب

ماستر سين- رجل غريب يفاجيء ريهام حجاج أنه والدها في الحلقة 14 من "جميلة"

نوادر إخراجية في "جميلة".. سوسن بدر تختبئ من رجل يقف أمامها

لا يفوتك: تحليل النغمات مع عمك البات- تقييم أغنية "ولعانة" لأحمد مكي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5