ياسمين عز لشاكيرا: النهايات أخلاق (فيديو)

نهال ناصر | فى سينما وتلفزيون

ياسمين عز

الجمعة , 13 يناير 2023 - 20:01 | اخر تحديث: الجمعة , 13 يناير 2023 - 20:01

علقت مقدمة البرامج ياسمين عز على أغنية النجمة الكولومبية شاكيرا الجديدة التي تحدثت فيها بتلميحات مبتكرة عن حبيبها السابق ولاعب برشلونة جيرارد بيكيه وحبيبته الحالية، كلارا كيا مارتي.

وقالت ياسمين عز في برنامجها "كلام الناس" بتفكرني بالفنانة الكبيرة شويكار لما غنت وقالت "ما هو أصل قليل الأصل يسيب الأصل وياخد الصورة"، أنا مقدرة وجعها وحرقة قلبها على راجلها الست دي مليارديرة ونجمة النجوم وعندها معجبين من العالم في كل حته بس الست ست مهما كانت هي مين أو معاها إيه، التلقيح أحيانا بيكون شكل من أشكال الوجع والندم على الانفصال بس، النهايات أخلاق يا شاكيرا.

شاكيرا وبيكيه

وتابعت: ليا أكتر من عتاب عليها، حبيبة قلبي الموضوع خلص سواء أنتي الغلطانة أو هو ولادكم ملهومش ذنب تبقى سيرة أبوهم على كل لسان مينفعش ابنك يروح المدرسة وأصحابه يتريقوا عليه، أنتي قولتي لما انفصلتوا انفصلنا علشان مصلحة أولادنا، ولا عشان الراجل ساكت بتكتبي في الأغنية هجاء بتلقحي عليه وتهاجميه مينفعش، البني آدم مننا طاقة الراجل هيعبي ويشيل في قلبة لحد لما ينفجر ومتعرفيش بيكيه رد فعله إيه، الراجل عشرة 12 سنة ولا عمره وقف في طريق نجاحك حاولي تفتكري ليه حاجة من الحاجات الحلوة.

ياسمين عز

نرشح لك: أول ظهور لـ إيمي سمير غانم بعد الإنجاب (فيديو)

وأكملت: لو عاوزة تلومي حد أنه سابك لومي نفسك محدش معصوم من الغلط، أنتي من وقت ما انفصلتوا بتصدري للرأي العام أنه خانك مع واحدة تانية بس اللي عرفناه من بعض الناس الثقة أن بيكيه مكنش متحمل فكرة أن صوتك عالي وبتزعقي بمناسبة ومن غير مناسبة ودا واضح من الأغاني بتاعتك بتحبي الصوت العالي طبقتك عالية، قوليلي مين راجل يستحمل كده يروح النادي وأصحابه يقولوله مراتك ممشياك وعرفت أنه لفت نظرك أكتر من مرة وأنتي ولا هنا بل بالعكس أحيانا كنتي بتقصدي تحرجيه ودي أسرار بيوت ومحبش أدخل فيها، وإيه المشكلة لما يكون ربنا كرمك ومعاكي فلوس كتير وجوزك يميل عليكي ويقولك يا حبيبتي تعبت من الشغل وبفكر افتح مشروع ومزنوق في قرشين منك بين الأزواج مفيش مشكلة لو أنتي مش هتقفي مع أبو عيالك مين هيقف معاه؟

ياسمين عز وجهت رسالة لشاكيرا عاتبتها فيها على أغنيتها الجديدة

وكانت شاكيرا تحدثت عن انفصالها عن جيرارد بيكيه في العام الماضي ووصفته بأصعب فترة في حياتها، وقالت: "من الصعب الحديث عن الأمر خصوصًا لأنه مستمر ومازلت أمر به، كما أن انفصالنا يختلف عن أي انفصال آخر لأنه يحدث في العلن وهو صعب للغاية ليس بالنسبة لي فقط ولكن بالنسبة لولدي أيضا".

طالع أيضا: شاكيرا تهاجم بيكيه وصديقته الجديدة في أحدث أغانيها .. تعرف على كلماتها

ياسمين عز استفزت جمهورها من النساء في الفترة الأخيرة بتصريحاتها

وأضافت عن صعوبة التوقيت لأن والدها كان يعاني من مشاكل صحية: "كل هذا حدث بينما أبي كان في العناية المركزة وكنت أعافر من جميع النواحي. أعتقد أنها أصعب فترة في حياتي. ولكنني أعرف أن هناك نساء تمر بظروف أصعب من ظروفي".