خاص كوثر يونس لـ"في الفن": في ناس كتير حصلهم أحداث فيلم "صاحبتي" .. وهذه نصيحتي للمخرجين

أحمد حتحوت | فى حياة المشاهير

كوثر يونس تتحدث لـ في الفن عن فيلم صاحبتي

الجمعة , 23 ديسمبر 2022 - 19:52

يستمر الفيلم القصير "صاحبتي" في تلقي نجاح هائل ولم يكتفي بتمثيل مصر في مهرجان فينيسيا السينمائي، بل فاز بجائزة لجنة التحكيم في مهرجان القاهرة السينمائي، وحصل على 4 جوائز من مهرجان القاهرة الدولي للفيلم القصير.

والتقى FilFan.com بمخرجة الفيلم كوثر يونس على هامش مهرجان القاهرة للفيلم القصير للتحدث عن اختيار الممثلين والنجاح العالمي الذي حققه الفيلم.

قالت كوثر يونس: "هي حاجة كبيرة جدًا بالنسبة لي إن الفيلم يترشح في مهرجان فينيسيا السينمائي، لأنني مكنتش متوقعة، ومصدقتش نفسي، وفضلت 3 أيام مش مصدقة، لحد ما رديت على الإيميل وردوا عليا عشان أتأكد إنه حقيقي".

كوثر يونس

علقت المخرجة على المفهوم الخاطئ الشائع للأفلام القصيرة بانها مجرد بداية للمخرجين، وقالت: "الفيلم القصير نوع زي الأفلام الطويلة والمسلسلات القصيرة والطويلة، فهو نوع من أنواع الحكي لا يتعلق بالمخرج جديد ولا قديم، بس دايمًا أسهل على المخرجين الجداد لأنه ملموم إنتاجيًا ودي حاجة مهمة قوي".

وأضافت المخرجة: " وفي معظم الأحوال المخرج مشارك في الانتاج لأنه بيعمل دة لهدف مبني على الشغف والحلم وليس الحسابات التجارية".

وذكرت لنا كوثر أن "صاحبتي"، ثاني عمل من إخراجها، هو أول عمل غير مأخوذ عن حياتها الشخصية، وقالت: "أنا كنت دايمًا مبعرفش أفكر غير في أفلام ليها علاقة بحياتي، كنت كل ما أبص على موقف أقول إنه ممكن يبقى فيلم. بس كنت بحاول أخرج برا دة والفكرة ظهرت لما كنت بتكلم مع بابا وحكالي عن ناس يعرفهم، وحسيت إن دي ممكن أعملها فيلم، بس أنا معيشتش الأحداث دي".

إلهام صفي الدين

وأضافت كوثر: "اللي فاجأني إن وأنا بعمل كاستنج اكتشفت إن في ناس كتير حصلهم أحداث الفيلم، ودي كانت حاجة مُرضية جدًا بالنسية لي".

وعن اختيار الممثلين، قالت كوثر يونس: " أنا كان يهمني في الفيلم إن يبقى في كيمياء بين الممثلين ودة خلاني أخد وقت كبير جدا وأنا بعمل كاستنج لأن كان في ممثلين شاطرين ولايقيىن عالدور لكن مكانش في بينهم كيمياء.. فدة خد وقت وفي منهم ناس كان نفسي أشتغل معاهم لكن مكانوش لايقين على بعض، فقعدت ألعب اللعبة دي لحد ما لقيت اتنين قريبين من بعض، وبينهم كيمياء فاشتغلت معاهم".

إلهام صفي الدين

ترى كوثر أن من صناعة الأفلام أصبحت سهلة الآن مقارنة بالماضي، ولذلك أعطت نصيحة للمخرجين قائلة: "إعملوا أفلام! لأن الأفلام بقت سهلة جدًا وفي ناس بتصور وبتمنتج بالموبايل ومفيش عوائق. دايمًا بنقول إن الفلوس هي العائق ولكنها مجرد حاجة بنلوم عليها مشاكلنا لحد ما نحلها".

وعلقت كوثر يونس على مصطلح "سينما المراة" مشيرة إلى أنها تتقبله على الرغم من تفهمها للرافضين له: "كان نفسي العالم يبقى عبارة عن "سينما" بس، لكن بسبب أِشياء كتير بقى فيه مسميات زي "فيلم تجاري" و"فيلم أرت هاوس". طبعا الانسان هيقول "أنا ليه في الصندوق دة؟ أنا عايز أتعامل بحرية أكتر".. لكن بسببب المجتمع اللي عايشين فيه وظروفه، اضطرينا لاستخدام المصطلحات دي عشان لو ماتعملناس بيها هيحصل فجوة في التواصل، فالمسميات دي حاجة بتحصل على مدار التاريخ كل ما بيحصل ظاهرة معينة".

كوثر يونس

يدور فيلم "صاحبتي" حول شاب يتنكر في زي فتاة بهدف قضاء وقت حميمي مع صديقته في بيتها دون علم والديها، ويشارك ف يالبطولة كل من إلهام صفي الدين ومارك حجار والفيلم من إنتاج ساندرو كنعان ومونتاج خالد مرعي.

اقرأ أيضًا:

٤ جوائز لفيلم "صاحبتي" .. القائمة الكاملة لجوائز مهرجان القاهرة الدولي للفيلم القصير

مارك حجار لـ"في الفن": قابلت بطلة Westworld في فينيسيا .. وهكذا جهزت لدوري في "المتهمة"

إلهام صفي الدين لـ"في الفن": مفيش حاجة اسمها سينما نظيفة .. وفيلم "صاحبتي" جابلي أضعاف التعليقات السلبية

يسري نصر الله لـ"في الفن": فيلمي الجديد واقف في الرقابة .. وأفلام السوبر هيرو الجديدة قاتلة للخيال

لا يفوتك: شرطة الموضة: أسوأ وافضل إطلالات النجمات في حفل ختام مهرجان البحر الأحمر السينمائي الدولي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5