أميرة نايف: المخرجين حصروني في أدوار الإغراء ورفضت الظهور بملابس مفتوحة بمسلسل "الريان"

محمد سلطان محمود | فى سينما وتلفزيون

أميرة نايف

الجمعة , 16 ديسمبر 2022 - 01:51

كشفت الفنانة أميرة نايف أنها واجهت مشكلة مع المخرجين بعد نجاحها في دور "ناهد" بالفيلم الكوميدي "جاءنا البيان التالي".

وأوضحت في مقابلة مع برنامج "كلام الناس" عبر قناة MBC مصر، أنها لم تتوقع أن يتم حصرها في أدوار الأغراء بعدها.

وأضافت: "دي مش منطقتي بس هم شافوني وحبوني فيها، وأنا عملتها كتحدي، قلت لهم هعملها بطريقتي، لأن المتعارف أن الإغراء لبس وحركات، وأنا هعمل إغراء مش هلبس عريان ولا حاجة من الحاجات المتعارف عليها".

نرشح لك- زهرة وأزواجها الـ12.. تفاصيل زيجات غادة عبد الرازق بعد انفصالها عن هيثم زنيتا

وأكدت أميرة نايف أنها قدمت الإغراء في مسلسل "الريان" بطريقتها الخاصة، موضحة: "اللبس بتاعهم وهم اللي جايبينه وكانوا عايزين يفصلوا لي حاجات مفتوحة شوية، قلت لهم لأ، أنا عايزة أفك بالأداء واللبس يبقى مقفول بزيادة عن الطبيعي، وتعالوا نشوف الأداء هيودينا فين".

وتحدثت عن اختيارها لملابس الدور قائلة: "كان في حاجات مجسمة بس مقفلة، ونوع الخامات، وده مغري أكتر، الإغراء الطبيعي إني أبقى لابسة قصير، ما أنا ممكن ألبس طويل ومفيش حاجة باينة، بس التجسيم والحركة والأداء هي دي اللي توديكي للمنطقة، وده اللي يعرف الفنان معتمد على موهبته ولا حاجة تانية".

وأيدت ياسمين عز الفكرة موضحة: "طولك مع شعرك الطويل ورشاقتك، لأن مش نفس الجسم موجود في السينما أو الدراما، أعتقد ده برضه السبب".

يذكر أن مسلسل "الريان" تم عرضه عام 2011، من تأليف محمود البزاوي وحازم الحديدي، إخراج شيرين عادل وبطولة خالد صالح، صلاح عبد الله، ريهام عبد الغفور، باسم سمرة، أحمد صفوت، درة، أميرة نايف، مروة عبد المنعم وإيناس عز الدين.

أحصل على التطبيق

FilFan.com يتم تطويره و ادارته بواسطة إعلن معنا

أميرة نايف: المخرجين حصروني في أدوار الإغراء ورفضت الظهور بملابس مفتوحة بمسلسل "الريان"

محمد سلطان محمود | فى سينما وتلفزيون

الجمعة , 16 ديسمبر 2022 - 01:51

نرشح لكم

أهم الأخبار

احدث الفيديوهات المزيد