عقد قران شيرين عبد الوهاب وحسام حبيب للمرة الثانية - صور وفيديو

مي جودة | فى حياة المشاهير

عقد قران شيرين عبد الوهاب وحسام حبيب

السبت , 12 نوفمبر 2022 - 01:27

عرض الإعلامي عمرو أديب أثناء حلقة الجمعة 11 نوفمبر الجاري فيديو خاص من عقد قران النجمة شيرين عبد الوهاب على الفنان حسام حبيب.

وكشفت شيرين عبد الوهاب أنها عادت لزوجها مرة أخرى بعد أشهر من تأكيدها أنها لن تعود له ولا تطيق سماع اسمه، وقالت: "تم كتب كتابي على حسام جبيب امبارح الساعة 9 بليل بحضور أقرب الناس لينا، أخواتنا وبطمن الناس عليّ وعايزة استغل الفرصة دي واقول اني بعتذر لحسام عن كلام صدر مني في يوم من الأيام".

عقد قران شيرين عبد الوهاب وحسام حبيب

View this post on Instagram

A post shared by شيرين عبد الوهاب (@sherine_fanss)

شيرين عبد الوهاب: كتبت كتابي أنا وحسام حبيب بحضور حبايبنا

وتابعت: كنت السبب ان الحياة دي اتفتحت على الناس والناس دي انشغلت بيا ضمن مشاكلهم، فأنا في عصمة رجل طيب جدا ولو كنت قولت كلام عنه فهو كان مزعلني فدا شيطان بيحصل بين المتزوجين، واحنا كان معمول لنا حاجة كبيرة أوي واتفكت الحمدلله، أنا اصغر من الكلام عن الأعمال لكنها ذكرت في القرآن واحنا مش معصومين من الغلط ،أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن.

عقد قران شيرين عبد الوهاب وحسام حبيب

وأضافت: اتخذنا القرار سريعا بسبب الضغوطات التي تعرضنا لها، وعنواني كان بيبقى كل يوم الصبح موجود في أي مكان، حسام هو من اقنعني كنا ناويين العودة يوم السبت ولكنه امبارح قالي نعمله انهاردة.

عقد قران شيرين عبد الوهاب وحسام حبيب

وعلق حسام حبيب على تصريحات شيرين قائلا: "أحنا حياتنا زي اي اتنين متزوجين، أحنا اتكلمنا قبل الرجوع واتفقنا على قوانين وقواعد، وحطينا مشاكلنا وحليناها ووعدنا بعض أن كل واحد فينا يخلي التاني مبسوط بيه، وحياتنا الخاصة لينا احنا بس".

ووجه حسام حبيب رسالة لجمهور شيرين عبد الوهاب الغاضب منه: "أنا كمان بحبها زيكم، وأنا عاذر كل واحد خايف عليها وانا كمان خايف، عشان كدة بقول لكم ادعوا لنا".

شيرين عبد الوهاب وحسام حبيب

يذكر أن شيرين عبد الوهاب غادرت المستشفى الذي كانت تتلقى فيه العلاج الفترة الماضية.

وكان المستشار ياسر قنطوش محامي شيرين عبد الوهاب أصدر بيانا بعد خروجها من المستشفى قال فيه: "الحمد لله خروج الفنانة شيرين عبد الوهاب بالسلامة من المستشفى وهى بصحة جيدة وتشكر جميع جمهورها وكل من ساندها في أزماتها وستتحدث في فيديو خلال ساعات"، وذلك بعدما استغاثت به موكلته في تسجيل صوتي، لإخراجها من المستشفى.

وقالت شيرين في التسجيل إنها أصبحت بصحة جيدة بعد مرور 20 يومًا على تلقيها للعلاج في المستشفى.