بعد انتقادات حديثها عن مشاهدها الجريئة … ميار الببلاوي: جالي اكتئاب وابني اتضايق

نهال ناصر | فى حياة المشاهير

ميار الببلاوي

الأربعاء , 2 نوفمبر 2022 - 00:36 | اخر تحديث: الأربعاء , 2 نوفمبر 2022 - 00:36

وجهت الفنانة ميار الببلاوي رسالة إلى جمهورها بعد تعرضها للانتقادات، لتوضح لهم أنها لم تقصد أن تتصدر التريند بتصريحاتها عن مشاهدها الجريئة في فيلم "ديسكو ديسكو" أو حديثها عن زملائها الفنانين خلال لقائها في أحد البرامج.

وكشفت ميار الببلاوي أن بسبب ما يكتب عنها في المواقع دخلت في حالة اكتئاب وابنها حزن وتأثر كثيرا.

وكتبت ميار الببلاوي عبر حسابها على Facebook: أنا مش هدافع عن نفسي ومش هقول أني صح بس ربنا شاهد أني بتكلم بعفوية ومبعرفش اتخابث ولا قصدى أي إساءة لأي حد من زملائي اللى بحبهم وبقدرهم وبعتز بأى عمل شاركتهم فيه طوال السنين اليى فاتت، وأنا لا عاوزة أجيب سيرة الفيلم ولا المشهد ولا يشرفني ونفسي أنسى والناس تنسى بس معرفش ليه بعد 25 سنة بينبشوا في الماضي في فنانات عاملين مئات الأفلام وفيها مشاهد نسأل الله المغفرة اشمعنى ميار اللى لازم تترجم وتتبهدل وكل اللى عاوز يعمل شو يبقى عليا.

نرشح لك: إيمي سمير غانم متوترة بعد مشاهدة "تحت تهديد السلاح" لحسن الرداد...ماذا قالت عن الفيلم؟ (فيديو)

وتابعت: أنا برفض كل يوم مقابلات في برامج لكن مروة صبرى أخت زميلتي عبير وبحبهم هما الاثنين غير كده أنا حرمت أي مقابلة غير لما أعرف طبيعة الأسئلة وهركز فى كل كلمة ومش هذكر أسماء ولا مواقف بس الصحفيين واليوتيورز يرحموني من العناوين اللى ملهاش علاقة بالكلام اللى جوه الفيديو.

ميار الببلاوي وعمرو عبد الجليل في مشهد من ديسكو ديسكو

وأضافت: بالنسبة للتريند اللى أنا عاوزة أركبة حد الله أنى أركب التريند بشتيمه الناس ليا وعلشان أكدلكم انا محوله موبايلي ومبردش على أي صحفي أنا نفسيتي تعبت وجالى اكتئاب وابني مضايق جدا وأختي كده كفاية، وبالنسبة لأنى بعمل كده علشان أنا اتنسيت وعندي حب للظهور قولوا اللى يعجبكم أنا ناجحة في برنامجي ولله الحمد وراضية بيه ولو جالي شغل فدا رزق أشكر عليه ربنا مجاليش مش هلجاء للطرق الرخيصة دي علشان اشتغل وبالنسبة للميكب والرموش والضوافر حاضر هشلهم علشان ابقى كده واجهه للحجاب دا كل اللى عندى وأفوض أمري إلى الله إن الله بصير بالعباد.

تعليق ميار الببلاوي

وكانت ميار الببلاوي ظهرت في برنامج "قعدة ستات" من تقديم مروة صبري عبر قناة "القاهرة اليوم" وتحدثت عن مشاهدها الجرئية في فيلم "ديسكو ديسكو" وحكت كواليس تصويرها في رمضان.

ميار الببلاوي

وقالت ميار الببلاوي: الفيلم كله متصور في رمضان وأنا عندي عقدة من موضوع رمضان دا، أه كنت شابة وبلبس عادي، لكن كان في مشهد مع عمرو عبد الجليل مكنتش عاوزة أصورة لأن كنا في رمضان لدرجة أني دخلت الحمام وقفلت على نفسي بالمفتاح وقعدوا يخبطوا عليا كنت مستنية المغرب يأذن قولت لنفسي حتى لو استغفر الله العظيم هعمل حاجة غلط ميبقاش في الصيام.

لمعرفة تفاصيل تصريحات ميار الببلاوي عن الفيلم والفنانة نجلا فتحي من خلال هذا الرابط

وفيلم "ديسكو ديسكو" إنتاج 1993 بطولة نجلاء فتحي، صلاح ذو الفقار، محمود حميدة، شريف منير، عمرو عبد الجليل، وفاء عامر، عبد الله محمود، ميار الببلاوي، تأليف عبد الحي أديب وإخراج إيناس الدغيدي.

أوضحت ميار الببلاوي أنها دخلت في حالة اكتئاب بسبب تعليقات الجمهور

يذكر أن ميار الببلاوي ابتعدت عن التمثيل منذ فترة، وتقدم برامج تليفزيونية تهتم بكل ما يخص المرأة والمجتمع وتنقلت بين العديد من القنوات الفضائية، وتقدم حاليا برنامج "نادي النساء السري" عبر قناة "الشمس".