كريم الحسيني يشكو من قلة مشاركته في الأعمال الفنية: تعبت وجبت أخري

محمد أحمد | فى حياة المشاهير

كريم الحسيني

الجمعة , 7 أكتوبر 2022 - 15:13

أبدى الفنان كريم الحسيني استيائه من عدم مشاركته في الأفلام السينمائية.

وكتب كريم الحسيني عبر حسابه بموقع التواصل الاجتماعي Facebook: "أنا تعبت بجد، جبت آخرى وطاقتى خلصت، ورغم إنى الحمد لله بشهادة الجميع فى عز توهجي على خشبة المسرح اليومين دول، وفى عز توهجي كمدرب تمثيل ودوبلاج وتمثيل إذاعي سواء على مستوى الورش أو على مستوى التدريس في الجامعه، لكن برضو من حقي أنا أقول أنى تعبت".

نرشح لك - الملخص- راغب علامة لـ"أنغام": يا ريتنا أصحاب من زمان.. ومحدش يعرف يقلد صوتي

وأضاف: "ما بقتش قادر أتحمل، عارف أنى في نعمة، لكن أنا ممثل والله ممثل، بحب السيما والڤيديو واللعب بالشخصيات المتنوعة، بحب السيما عشان مُخلدة إحنا لحد دلوقتي بنتفرج على أفلام أستاذ فؤاد المهندس والريحاني ومدبولي أكتر ما بنتفرج على مسرحياتهم".

وتحدث عن موقف جمعه بالفنان سيد رجب، قائلا: "زمان وأنا عندى 15 سنة خدت ورشة تمثيل مع العبقرى الفنان سيد رجب، ساعتها قولتله أنت إزاى مش بتمثل، قالي أنا مفحوت مسرح وورش وكله على الله، بس أنا تعبت يا كريم، دلوقتي بقول نفس جملة سيد رجب، أنا تعبت وزعلان على طاقتي اللى بتروح مني وبتُهدر".

واختتم كريم الحسيني حديثه قائلا: "أنا كنت ولازالت بحلم إنى أبقى زي النجوم محسن محى الدين، حسن يوسف، أحمد زكي، عادل إمام، محمود عبد العزيز، الفخراني، هرم زى الأهرامات دول، أنا ممثل، والله العظيم ممثل، دعواتكم بالله عليكم".

وكان كريم الحسيني قد أعلن مؤخرا افتتاح مشروع تجاري جديد وهو عبارة عن سيارة متنقلة لبيع المشروبات الساخنة، ونشر فيديو على حسابه بموقع التواصل الاجتماعي Facebook أثناء تحضيره لبعض المشروبات الساخنة وكتب معلقا: "مشروعي الجديد، الشغل مش عيب".

اقرأ أيضا:

ملخص حميد الشاعري في "حبر سري".. حقيقة ارتباطه بسيمون وشرطه للعمل مع حمو بيكا ورسالته لعمرو مصطفى بعد أزمته مع الهضبة

رامي إمام: الزعيم زى الفل وأحنا متعودين الشائعات (فيديو)

مغني المهرجانات مسلم يعلن اعتزاله: المجال لا يناسبني.. أشوفكم على خير

لا يفوتك: تحليل النغمات مع عمك البات- تقييم أغنية "دلوقتي عجبناكم" لبهاء سلطان

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ