ميمي جمال: واجهت حسن مصطفى بخيانته وأنا اللي طلبت أرجعله بعد الطلاق

نهال ناصر | فى حياة المشاهير

ميمي جمال

الجمعة , 9 سبتمبر 2022 - 12:27 | اخر تحديث: الجمعة , 9 سبتمبر 2022 - 12:27

استعادت الفنانة ميمي جمال ذكرياتها مع زوجها الفنان الراحل حسن مصطفى وبعض الأزمات التي مرا بها وكيف تجاوزتها.

وحكت ميمي جمال عن نزوة في حياة حسن مصطفى وكيف واجهته بحقيقة ما عرفته عنه وقالت خلال لقائها في برنامج "الستات" مع سهير جودة عبر قناة "النهار": كان في مسرحية يشارك فيها بنات بيقدموا الاستعراضات، كان في بنت عندها 18 سنة وتدخل كل شوية أوضته وتوريله "المانيكور" كاتبه عليه حروف اسمه، هو راجل كبير ولاقى حاجة جديدة وغريبة، وحسن مش جان مش حسين فهمي القمر اللي بيكبر بيفضل قمر، كان راجل طبيعي.

ميمي جمال من برنامج الستات

وتابعت: كان بيوصلها بالعربية، أنا في الوقت دا كنت بشتغل في القاهرة وهو الإسكندرية، والبنت اللي كانت بتقطع تذاكر المسرح صاحبتي، شافت منظر معجبهاش وكلمتني وطلبت مني أروح إسكندرية.

ميمي جمال وحسن مصطفى

وأكملت ميمي جمال: في الوقت دا كانت أمي وبناتي معاه في إسكندرية عشان المصيف، وفعلا روحت وكان هو مش في البيت وأول ما وصل سألته "وصلت الهانم؟" وهو اتصدم وحكيتله أني عارفة كل حاجة، حاول يغضب ويعلي صوته علشان اسكت.

نرشح لك: محمد الغيطي لبوسي: بقيتي زوجة تانية وده ذنب أبوكي (فيديو)

وأوضحت ميمي جمال أنها قررت أن تنسى هذا الموقف بعدما واجهته وأنها ستعتبر أن شيئا لم يحدث خاصة أن بناتها كانوا أطفال، لكنها شعرت أنها لم تأخذ حقها.

ميمي جمال وحسن مصطفى في شبابهما مع ابنتيهما

وتطرقت في حديثها لوقوع الطلاق بينهما موضحة أنه كان موقف آخر، وحدث خلاف وأخطأ حسن مصطفى في حقها قائلة: أنا الشغل أخدني وبقيت عندي شغل كتير مسرح بالليل والصبح تصوير، أنا كنت بهتم وبدلعه كتير بس كل دا اتغير، حس بالنقص وحصلت شوية مشاكل واطلقنا وأنا اللي سعيت للرجوع وكلمت سمير خفاجة علشان يرجعنا لبعض.

وخلال الحلقة كشفت ميمي جمال عن رأيها في دعم الفنان عمرو يوسف لزوجته الفنانة كندة علوش أثناء تواجدها في مهرجان فينيسيا السينمائي الدولي، إلى جانب رفض ما تردد مؤخرا من تصريحات حول عدم إلزام الزوجة بعدة أمور.

طالع أيضا: ميمي جمال: تريند كندة علوش وعمرو يوسف بيعصبني ... واللي بتخلف 5 لو أخدت أجر الرضاعة كان زمانها بقت مليونيرة

وقالت ميمي جمال أنها ترفض ما يحدث على مواقع التواصل الاجتماعي من أراء جدلية، مثل الإشادة بدعم عمرو يوسف لكنده علوش في حين أن ما حدث طبيعي بين أي زوجين.

ميمي جمال

وأضافت: "طبيعي تبقى واقفة وتسند راسها على كتف جوزها، هنتكلم في دي كمان، ما الزوج سند، بلاش التريند ده، الكلام بيعصبني".

يذكر أن ميمي جمال شاركت مؤخرا في مسلسل "وش وضهر" من تأليف ورشة سرد، وسيناريو وحوار أحمد بدوي وشادي عبد الله وإخراج مريم أبو عوف، بطولة إياد نصار وريهام عبد الغفور وإسلام جمال وشريف دسوقي وميمي جمال ومحمود قابيل وثراء جبيل.