محمد عطية ينتقد رفض الفنانين لتقديم القبلات: دخلتوا الوسط ليه

نهال ناصر | فى سينما وتلفزيون

محمد عطية

السبت , 3 سبتمبر 2022 - 12:50 | اخر تحديث: السبت , 3 سبتمبر 2022 - 12:52

عبر الفنان محمد عطية عن استيائه من رفض بعض الفنانين لتقديم مشاهد القبلات في أعمالهم أو السماح لزوجاتهم بدخول الوسط الفني.

وقال محمد عطية خلال لقائه في برنامج "شو القصة" مع رابعة الزيات: في نغمة مؤخرا منتشرة في الوسط الفني هتجنن منها في مصر، فنانين يطلعوا يقولوا لأ أنا مش ببوس ومراتي متمثلش طب دخلت الوسط ليه، أنا معنديش مشكلة في قناعات أي شخص، مشكلتي لما يجيلك دور مخالف لقناعاتك وتطوعه لقناعاتك.

محمد عطية في جلسة تصوير بالأبيض والأسود

وتابع ليعطي مثالا على ما يقوله: في مسلسل في رمضان اللي فات دور أخت أخوها كان في مستشفى بين الحياة والموت، لما رجع البيت وقفت بعيد تشاور له علشان مش بتسلم، هل دا منطقي وطبيعي؟ كده طوعت الدور لخدمة قناعتها ودا مش صح.

وأكمل: أنا كمشاهد مش مقتنع ان أخت أخوها كان بيموت واستقبلته كده، كل شخص حر في معتقداته لكن اللي يزعجني أنهم بيدعوا ده وعلى المستوى الشخصي بيعملوا كل حاجة.

محمد عطية

وأكمل: الشرق الأوسط تاني أكتر الأماكن اللي بتدخل على المواقع الإباحية، كان في فيلم على "نتفليكس" في مشاهد جريئة كان الأكثر مشاهدة في مصر في رمضان، دي إزدواجية وإدعاء فضيلة علشان المجتمع.

وأضاف: الرقابة على الفن بتضايقني جدا، علشان أكتب فيلم ولا مسلسل المفروض مبقاش في سقف لأفكاري، والصح والخطأ أمر نسبي، في 4200 دين على وجه الأرض ومفيش ولا دين فيهم بيقول أنك لو مؤمنة بدين تاني هتدخلي الجنة أو لا، أنا بتكلم على المعتقدات، والصح والغلط غير الحرام والحلال.

محمد عطية

وخلال الحلقة تطرق عطية عن علاقاته العاطفية ومعتقداته، قائلا: "في حاجات كتير في الدين صعب أتقبلها، زي القتل باسم الدين، وتعدد الزوجات، من يريده ينفذه، لكنه بالنسبة لي مرفوض".

وعن إمكانية تقبله فكرة أن قرار الطلاق من المرأة، قال: "الموضوع أبسط من كدة، أنا قولت لكل اللي ارتبطت بيهم لو حسيتي أنك مابقيتيش بتحبيني أمشي، دا سبب كافي بالنسبة لي".

محمد عطية

يذكر أن محمد عطية انتهى من تصوير مسلسل "روح" مع كارين رزق الله وإنتاج day 2 pictures وإخراج سامي كوجان.

كانت آخر أعمال محمد عطية هو مسلسل "حكايات يا كل الناس" الخليجي، من تأليف عبد العزيز حشاش، ومن إخراج عبدالله تركماني، وضم المسلسل عدد كبير من الفنانين، من بينهم بشار الشطي، فاطمة الصفي، وغيرهم، كما شارك في فيلم درس خصوصي عام 2005 مع الفنانة هنا شيحة وصلاح عبد الله وحسن حسني.