"قلبي بيموت كل يوم".. شهد رمزي توجه رسالة مؤثرة إلى شقيقها صلاح بعد دخوله في غيبوبة

محمد سلطان محمود | فى حياة المشاهير

شهد رمزي وشقيقها صلاح رمزي

الاثنين , 8 أغسطس 2022 - 01:08

تحدثت المنتجة شهد رمزي عن مشاعرها تجاه شقيقها صلاح، الذي يتواجد في العناية المركزة بإحدى المستشفيات في حالة حرجة.

وكتبت شهد رمزي عن علاقتها بشقيقها، كونها فتاة تربت وسط 3 أولاد أكبر منها، وكانت المدللة بين أخوتها لدى والديها الراحلين.

وأوضحت: "أنا بنت على 3 أولاد، وأصغرهم، وطول عمري مش بيبان عليا والناس بيفتكروني أكبر من حسن، مع إني أصغر وبـ3 سنين، يعني أنا لسه في العشرينات، وناس كتير فاكريني أكبر، علشان طول عمري بتعامل إني كبيرة ومسئولة".

نرشح لك- خيري بشارة: أحمد زكي كان مدعي كاذب يتملق الجمهور

وأضافت ابنة المنتج الراحل محمد حسن رمزي: "لما بابي ومامي سابوني كنت 20 سنة، واتعاملت إني كبيرة أكتر ولازم أكون أقوى، إلا مع صلاح، الوحيد اللي كان بيحسسني إني بيبي، دلوعته، وأن معاه كل اللي نفسي فيه هو مجبور ينفذه وبحب شديد وصدق شديد".

ريهام أيمن مع صلاح رمزي

ووجهت شهد رمزي الحديث إلى شقيقها صلاح قائلة: "أنت عندي مش بس أخويا اللي في النص، لا أنت الوحيد اللي كنت بتحسسني إني دلوعتك زي بابي، هموت يا حبيبي عليك".

وتابعت: "مع إنك مش أكبرنا بس حنانك وقلبك كانوا الأمان لقلبي، والله قلبي بيموت كل يوم، بحبك يا صلاحوتي يا حتة مني، وعايزة أحضنك".

وأكدت شهد رمزي: "وأحكي لمين الحزن اللي في قلبي وأنت اللي كنت بحكيلك، وقلبك هو قلبي، يا رب يا صلاح تقوم بالسلامة، اللهم إني لا أسألك رد القضاء ولكني أسألك اللطف فيه".

ويرقد صلاح رمزي، ابن المنتج الراحل محمد حسن رمزي وشقيق الفنان شريف رمزي والمنتجة شهد رمزي في حالة حرجة للغاية بعد دخوله في غيبوبة، بحسب ما أكدت أسرته دون الكشف عن تفاصيل مرضه.