توفيق عبد الحميد لشيرين عبد الوهاب: أنا بحبك وقلقان عليكي

مي جودة | فى حياة المشاهير

توفيق عبد الحميد وشيرين عبد الوهاب

الأربعاء , 20 يوليو 2022 - 17:37 | اخر تحديث: الأربعاء , 20 يوليو 2022 - 18:23

روى الفنان توفيق عبد الحميد عن موقف إنساني جمعه بالنجمة شيرين عبد الوهاب بعدما انتشرت شائعة تحويل سيارته الشخصية لتاكسي.

كتب عبد الحميد عبر حسابه بموقع Facebook: "شيرين عبد الوهاب سمعت الخبر ولأن قلبها بيسبقها كلمتنى وتركت رسالة منزعجة فيها بشدة حنونة ورقيقة وتطلب ان اكلمها واطمنها وانا اساسا بعشق صوتها وبحب عفويتها وطيبتها بنت بلد وجدعة موهوبة وإضافة كبيرة لتاريخ الطرب المهم اتكلمنا وقتها وطمنتها وبعدين كلمتها مؤخرا علشان اطمن عليها مردتش وعايز اقولها اعتبرينى ابوكى او اخوكى الكبير وطمنينى عليكى علشان انا بحبك وقلقان عليكى".

وبعدها كتب: "كلنا بنغلط وكتير يجانبنا الصواب او نبقى فى حالة انعدام وزن وتخرج تصرفاتنا عن الطبيعى والمفروض بس تذكروا قول السيد المسيح عليه السلام من كان منكم بلا خطيئة فليرمها بحجر".

يذكر أن شيرين عبد الوهاب تحدثت في مداخلة هاتفية عن أزمة جديدة بينها وبين حسام حبيب في مداخلة هاتفية مع الإعلامية لميس الحديدي، وقالت: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.

تابعت: قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي بأسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.

شيرين عبد الوهاب

حسام حبيب وشيرين عبد الوهاب

وكشفت شيرين عبد الوهاب عن تفاصيل الأزمة التي حدثت وبسببها قامت بحلق شعرها وقالت: أحنا أطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي، اهتميت بيه وعملت الاستديو علشان شغله واشتريت له كل الأغاني اللي تعجبه بشيكات باسمي علشان متروحش منه، في الآخر يتهمني اني تخينت وبقيت شبه أمي وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها.

اقرأ أيضا:

للأجيال الجديدة... من هو حسن أبو السعود الذي تنمرت عليه شيرين عبد الوهاب

"كيرة والجن" يتغلب على "عمهم" و"بحبك" للأسبوع الثاني على التوالي

تنظيم القاعدة يهدد ابراهيم عيسى.. والإعلامي يرد بآية قرآنية

حلمي بكر: حميد الشاعري كان بيغني بكوتشي مقطع.. وابنه محتاج تربية

لا يفوتك: ايه الأغنية اللي عمك البات حس إنها قريبة من أغنية روبي الجديدة نمت ننه ؟؟!

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5