حمو بيكا: لو كنت متعلم مكنتش هحتاج لحد... سأستقر في دبي للعمل

مي جودة | فى حياة المشاهير

حمو بيكا

الخميس , 16 يونيو 2022 - 23:16 | اخر تحديث: الخميس , 16 يونيو 2022 - 23:19

كشف مغني المهرجانات حمو بيكا عن سبب توجيهه رسالة لطلبة الثانوية العامة التي طالبهم فيها بالتركيز على المذاكرة والتعليم، راويا أن السبب هو رحلة سفر إلى هولندا.

قال بيكا: "الكلام الحلو ده بسبب اللي أنا شوفته، حصل معايا موقف إني سافرت أمستردام وعشان تعليمي معرفتش أطلع من المطار ومعرفتش أكلم حد، وبقيت واقف بكلم نفسي، لو كنت متعلم مكنتش هحتاج لحد ولا كانت طيارتي فاتتني، كله كان بيتكلم بالإنجليزي وأنا مش عارف لا أقرا ولا أكتب وبقيت واقف كأني أطرش وأعمى ومش عارف أكلم حد"، حسب تصريحاته لبرنامج "كلام الناس" المذاع عبر شاشة "MBC مصر" وتقدمه ياسمين عز.

رسالة حمو بيكا للطلبة: العلم بيستر كتير أوي.. أوعى تقول فلان ناجح بس مش متعلم

وتابع: اتضحك عليا كتير، وأنا مش بعرف أقرا ولا أكتب، وفات الأوان خلاص عشان أتعلم، مفيش وقت دلوقتي أنا في دبي، وبشوف مدرسة أتعلم فيها.

وعن سبب تواجده في دبي، قال: "أنا سبت مصر وبقالي شهر في دبي وناوي أستقر في دبي بشكل كامل عشان أعرف أشتغل، مصر وحشتني ونفسي أرجع تاني، أنا بعاني من الغنا بقالي 6 سنوات في مصر كل شوية مشاكل مع النقابة ومعرفش أن موقوف ليه عشان كده أنا موجود في دبي لاني شغل في مصر وقف".

أما عن نيته للتقدم بالتماس لنقابة المهن الموسيقية للسماح له بالغناء، قال: "مش عارف لحد دلوقتي".

يذكر أن حمو بيكا كتب منشورا عبر حسابه بموقع Facebook للتحدث عن معاناته بسبب عدم تلقيه التعليم والالتحاق بالمدرسة في طفولته، مؤكدا أن العلم مهم من أجل تحقيق النجاح.

اقرأ أيضًا:

سينرجي تطرح الإعلان الرسمي لفيلم "كيرة والجن".. كريم عبد العزيز وأحمد عز في مواجهة الإنجليز

ظهور مروان بابلو وهدايا ملاك.. تفاصيل فيلم الفيفا الوثائقي عن محمد صلاح "مو رمز عالمي"

محمد صبحي: أعود للسينما بـ "المعادلة صفر" وللدراما بـ "رحلة المجنون" وأقدم مواسم جديدة من برنامج "مفيش مشكلة خالص"

ميرنا جميل في #شرطة_الموضة: الشعر الطويل والألوان الناعمة والجرأة أبرز اختياراتها
لا يفوتك- أسعار كل نجوم الغناء في أفراح صيف 2022 .. ميزانيتك تخليك تجيب مين يغني في فرحك؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5