10 أسئلة أجابت عنها هنا الزاهد عن منة حسين فهمي وأهم وصفات الشعر وأكلتها المفضلة

نهال ناصر | فى سينما وتلفزيون

هنا الزاهد

الأحد , 29 مايو 2022 - 18:11 | اخر تحديث: الثلاثاء , 8 نوفمبر 2022 - 16:55

تواصلت الفنانة هنا الزاهد مع جمهورها في جلسة أسئلة وأجوبة عبر خاصية القصص القصيرة في حسابها على Instargram.

وكانت إجابات هنا الزاهد مختلفة، قربت الجمهور منها ليتعرفوا عليها بشكل أكبر، وفيما يلي نستعرض أبرز إجابات هنا الزاهد على أسئلة جمهورها:

نرشح لك: من إنكارها لوجود النار في الآخرة إلى رؤية كل الأنبياء في المنام.. سلاف فواخرجي تثير الجدل من جديد

هوايتك؟

التمثيل والرسم.

أكتر ممثلة بتحبيها؟

سعاد حسني، شادية، جنيفر أنستون، بيرين سات.

أكلتك المفضلة؟

طاجن رز بالحمام.

أحسن صفة في تامر حسني؟

طيب جدا ومجتهد وبيجبر بخاطر الناس أوي.

حاجة تساعد الشعر على أنه يطول؟

كلي جرير كل يوم وشوفي هيطول إزاي وهتدعيلي.

انطوائية ولا جتماعية؟

في حياتي الخاصة انطوائية وأصحابي يتعدوا على اليد.

بتحبي منة حسين فهمي؟

قابلتها مرة واحدة في حياتي وكانت جميلة أوي ولذيذة وعلطول بقينا أصحاب وعملنا فولو لبعض وكانت دايما بتسأل على مامتي وهي عيانة.

هترجعي لبرنامج "هزر فزر"؟

- لا مش هرجع.

أكتر شخصية مثلتيها وأثرت فيكي؟

- كلهم بس اللي حبيتها أوي شخصية "هند الرويعي" في مسلسل "أنا وهي" وشخصية "حبيبة" اللي هتشوفوها في فيلم "بحبك".

في جزء تاني من "أنا وهي"؟

- كان هيبقى فيه بس فكرنا وقلنا كفاية نجاح الجزء الأول وأنتوا حبيتوهم واتبسطوا مش عايزين نعمل حاجة تبقى أقل من الجزء الأول ودايما الجزء الثاني من أي حاجة مش بتبقى بنفس قوة الجزء الأول باستثناء مسلسل "الكبير" و"اللعبة".

على جانب آخر، انتهت هنا الزاهد من تصوير فيلم "بحبك" مع الفنان تامر حسني والذي من المقرر عرضه في عيد الأضحى.

ويخوض تامر حسني تجربة الإخراج السينمائي للمرة الأولى، وذلك بجانب لعب دور البطولة وكتابة الفيلم، فيما تتولى شركة "تامر حسني للإنتاج" للمنتج حسام حسني المشاركة في إنتاج العمل مع شركات سينرجي، سكاي ليميت وفيلم سكوير، ويشاركه البطولة هنا الزاهد، هدى المفتي، حمدي المرغني ومدحت إسماعيل.