حمو بيكا للمتنمرين: حسوا بمشاعري أنا موجوع وتعبان وبني آدم زي زيكم

محمد أحمد | فى حياة المشاهير

حمو بيكا

الاثنين , 18 أبريل 2022 - 01:04

أبدى مطرب المهرجانات حمو بيكا، استيائه من حالة التنمر التي تعرض لها عبر مواقع التواصل الاجتماعي، بعد حلقته في برنامج "حبر سري" الإعلامية أسما إبراهيم.

وكتب حمو بيكا عبر صفحته بموقع التواصل الاجتماعي Facebook: "يا جماعة ياريت نفهم إن أنا موجوع وتعبان، اتنـمر عليا مرة واثنين وتلاته ولسه فيه ناس بتنمر عليا، لحساب مين كل ده، انا بني آدم زي زيكم والله".

نرشح لك - خاص عزيز الشافعي يتحدث عن سنة أولى موسيقى تصويرية: ألفت موسيقى "يوتيرن" بالعود وكسرت قواعد "السسبنس" بهويتي الشرقية

وقال: "الأستاذ هاني حضرتك كنت في ندوة واتنـمر عليا وانت اخويا الكبير، وأنا مسامح والله، بس كفاية بالله عليك انا اه مش بعرف اقرا واكتب بس ربنا خلقني بقلب احس بيه، كفاية تجرحوني، مش كل واحد يبقى عنده سلطة يتحكم في البشر ؟".

وأضاف: "أنا من 5 سنين بعاني، بس هما شايفين ان إحنا مبسوطين وفرحانين، لا أنتم اللي مبسوطين لأن معاكم ومعاكم وعندكم كتير بس عمرنا ما بصينا ليكم، ليه لما يكون معايا حاجه تحسدوني عليها وعايزنيها؟، ده غير مرضي اللي بدفع فلوس كتير خلال شهر واحد".

وتابع حمو بيكا: "حسوا بمشاعري، لو أخطأت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسؤوليات كتير لا يعلم بيها إلا ربنا، أرجوكم كفاية".

واختتم حمو بيكا تصريحاته قائلا: "أتمنى تحكموا بينا بالعدل، وربنا سبحانه وتعالى قال (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ)، كفاية تنمر عليا وافتكروا كلام ربنا، (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ)".