نهلة سلامة للمعتزلين: بلاش تشويه في الفن وعجبني قرار حلا شيحة (فيديو)

نادين يوسف | فى حياة المشاهير

نهلة سلامة

الاثنين , 18 أبريل 2022 - 00:04 | اخر تحديث: الاثنين , 18 أبريل 2022 - 00:04

تحدثت الفنانة نهلة سلامة خلال حوارها مع الإعلامية راغدة شلهوب عن المطرب المعتزل أدهم نابلسي وقالت أن تصريحاتها تم فهمها بشكل خاطئ.

قالت نهلة سلامة في برنامج "سابع سما" المذاع على قناة النهار "أي حد عايز يعتزل الفن مش لازم يشوه الفن أنا لو هعتزل هعتزل مع نفسي ومش هشوه في المهنة ولا زمايلي ودة رأيي ومش عن أدهم بالذات"

نرشح لك: هل يستعين "بطلوع الروح" بأفكار المسلسل السويدي Caliphate؟

وتابعت "يعني مثلا حلا شيحة هي مثلت معايا في الوقت اللي كانت بتتحجب فيه وانا كنت معجبة بيها لانها قدرت تقاوم نفسها في السن دة"

وعن حسام حبيب قالت "أنا بحب صوته ومفيش أي مواقف شخصية بيني وبينه أنا معرفوش أنا اتسألت سؤال ورديت بهزار ومكنتش اقصده وهما قالولي هو حلق شعره زي شيرين رديت قلت عادي ومكنتش اقصد حاجة"

طالع ايضًا: "جريمة المرج" و"انتحار بسبب الابتزاز".. أحداث حقيقية و قضايا رأي عام في دراما رمضان 2022

وأضافت "محبتش أن مشاكلهم تكون في العلن"

وعن جالا فهمي قالت "أنا مسامحاها على كل حاجة وهي أخت وانا طول عمري بحبها لكن حصلت مشاكل بسبب الشغل وكنا بنتكلم وبنتقابل في مناسبات بشكل رسمي لكن مرجعناش زي الاول، هي كانت انتيمتي لكن في المجال بتاعنا مينفعش تستمر علاقة صداقة من الشغل لأن الغيرة بتوجد"

كما نفت حصولها على دور كان مخصص لدينا وقالت "اللي حصل اني كنت بعمل أمريكا شيكا بيكا ورجعت لقيت أن تم اختياري في مستر كاراتيه ومنتش اعرف أن دينا مرشحة ليه والدور دة كان هيضيع مني لأن لما رحت امضي مكنوش عايزين يدوني جزء من الأجر وقلت خلاص مش هكمل ولما نزلت قابلت ممثل وقلتله أنه مش راضي يديني زي أمريكا شيكا بيكا وهو ادخل وكان ليا نصيب في الدور"

وأضافت "الحاجات دي بتحصل كتير أنا كنت مرشحة لدور في فيلم الشرف مع فاروق الفيشاوي وبعد ما جهزت ملابس الشخصية واستلمت السيناريو قالولي لا"

كما تحدثت عن علا غانم وقالت "كنت بهزر بردة ومكنش اقصد حاجة واللي حصل أنها لما جت من أمريكا وقالت أنها جاية من أمريكا علشان اظبط شعري في مصر وانا قلت أنا كمان وهي افتكرت اني بتريق لكن أنا كنت بهزر"

يذكر أن نهلة سلامة شاركت في مسلسل "نقل عام" مع محمود حميدة، سوسن بدر، سميحة أيوب وغيرهم نخبة من النجوم.

اقرأ ايضًا:

هالة سرحان: المهرجانات نقلة فنية وحسن شاكوش النسخة الشعبية من حسين الجسمي

كريم قاسم يدافع عن ريهام حجاج : تتعرض لظلم ممنهج

نصائح "مربوحة" لـ"جوني" لتحقيق الشهرة على السوشيال ميديا (فيديو)

أكرم حسني: مبسوط بشتيمة "جلجل".. وهذه رسالتنا من المسلسل

لا يفوتك: 13 فنانا كتب الله لهم حسن الخاتمة - رحلوا في رمضان أحدهم مات أثناء الإفطار وأخرى تمنت الموت في رمضان