تسريب لمحمد مرسي يهاجم أيمن نور وإحباط مخطط لاغتيال ياسر برهامي.. أبرز أحداث الحلقة 16 من "الاختيار 3"

محمد أحمد | فى سينما وتلفزيون

الحلقة 16 من الاختيار 3

الأحد , 17 أبريل 2022 - 22:50

شهدت الحلقة 16 من مسلسل "الاختيار 3" العديد من الأحداث المثيرة.

عرضت الحلقة والتى حملت اسم "الانتخابات البرلمانية" مشاهد حقيقية لمظاهرات الشعب أمام مجمع التحرير، تحت مسمى "العصيان المدني"، اعتراضًا على حكم الرئيس المعزول محمد مرسي، وجماعة الإخوان الإرهابية.

نرشح لك - جماهيرية أمير عيد الأبرز.. أسباب أدت لنجاح إعلان "حياة كريمة"

ودار لقاء بين وزير الدفاع الفريق أول عبد الفتاح السيسي، بالمجندين في إحدى وحدات الجيش، ودار حوار بين السيسي وأحد المجندين، وسأله عن اسمه وإذا كان يدخن السجائر أم لا؟، فرد المجند بأنه مدخن، فسأل وزير الدفاع إذا كان يدخن السجائر داخل وحدته أم لا، وعندما رد المجند بأن ذلك لا يحدث، أعاد السيسي السؤال عليه إذا كان والده يعلم بتدخينه، فرد المجند: "أنا والدي متوفي.. وأعيش مع أمي"، فسأله السيسي عن والدته وطلب منه برها.

وتحدث السيسي لباقي المجندين، قائلا: "اسمحولي اتكلم معاكم في أمر مهم كل واحد فيكم واقف في مكانه سواء ليل أو نهار شمس أو برد لازم يكون عارف هو واقف ليه أنت واقف علشان تحمي أهلك وبلدك.. الجيش المصري عظيم وشريف.. وكل واحد لازم يفتخر أنه جزء من الجيش ده وكل واحد لازم يكون عارف المسئولية اللي عليه وقدها وأنا عارف إنكم قدها".

وشهدت الحلقة صدور حكم من المحكمة الإدارية العليا بإلغاء انتخابات البرلمان، ليدور حديثا بين سعد الكتاتني ومحمد مرسي حيث قال المعزول: "هو أنا كل ما آخد قرار المحكمة تلغيه".

ليرد الكتاتني على مرسي برسالة على لسان خيرت الشاطر قائلا: "الشاطر بيقولك متاخدتش أي خطوة ونحترم دلوقتي القانون والمحكمة وبعدين نتحرك براحتنا بعد كدة".

وكشفت الحلقة رصد المخابرات الحربية لقيادات سلفية جهادية في الإسكندرية، وظهر "العقيد مصطفى - أحمد السقا" داخل غرفة العمليات وتحدث عن رصد خلية إرهابية داخل شقة بالأنفوشي وقال إن عملهم شبيه بالتنظيمات الإرهابية القادمة من الخارج، وعقب ذلك داهموا الشقة وأحبطوا مخطط العناصر الإرهابية.

ورصدت أجهزة الأمن لمخطط إرهابي لاغتيال القيادي السلفي ياسر برهامي، ووضعوا الخطة اللازمة لتفادي ذلك ونجحوا في إحباط المخطط، في محافظة الإسكندرية.

وعرضت الحلقة في نهايتها تسريبا جديدا يجمع محمد مرسي ومرشد الإخوان محمد بديع، يتحدثان عن أيمن نور رئيس حزب الغد في ذلك التوقيت.

وقال مرسي في التسريب: "شوف أيمن نور ده بيتحايل علي إن أنا أقول لإخواننا يعفو عنه وبتاع ومش عارف.. الحكم بتاعه.. يجمعهم في بيته تلات أربع خمس مرات يجيب 50 60 70 واحد.. ويقعد يرتب معاهم ليوم 25 حاجة مش ممكن بني آدم عجيب الشكل".

ليرد المرشد: "مبتعظش أبدا حصل إيه يوم 25؟ مشهد في العالم كله بيقولوا أحسمن من يوم 25 الأولاني.. مجهزين نفسهم لما شوية عيال يعملوا حاجة صغيرة كده يروح مكبرها".

ويستكمل مرسي: "عمر عفيفي اتصل من أمريكا وقال مش عارف إيه وخطة الهجوم على الميدان إيه الكلام ده فهو بيستعبط والتاني والتالت 4،5،6،7، معروفين".

كما هاجم محمد مرسي في التسريب رجل الأعمال إبراهيم المعلم قائلا: "أنا مش فاهم إبراهيم المعلم بيعمل إيه.. أنا إبراهيم المعلم ده محيرني بصراحة.. يقعد يتصل بيا ويقولي أنتوا بابا وأنتوا ماما وأنتوا أنور وجدي.. وبعدين تبص تلاقي النهاردة الكاريكاتير في غاية السوء، مُهيج".